Exeni ambe enga jataka

Segundu menu jimbo nirani

Jeobaeri testiguecha

Purépecha

Diesinuebi mili biajicha abioni jimbo: ¡kʼéri intsïmperakua ma!

Diesinuebi mili biajicha abioni jimbo: ¡kʼéri intsïmperakua ma!

Juliuni de 2013, Grupu enga Orhejtsïkuajka iámindu kúnguarhikuechani Jeobaeri Testiguecheri, axakuaspti karta ma misioneruechani ka eianhpirichani engaksï máteru paisi marhuani jaka de tiempu kompletu. Karta eianguasïrendi arreglueri ma paraksï jarhuatanhani nirani kʼéri tánguarhikua internasionali o rejionali ma jimbo, engaksï úkuarhipiringa 2014 jimbo ka 2015 uénanisï jámani.

I arregluecha engaksï úkuarhini japka nóksï solu jindespti paraksï úni kʼéri tánguarhikuarhu ma nirani, sino ístu paraksï úni familiaricha ka amiguecha jingoni jarhani. Karta uandasïrendi eska organisasioni meiampiapiringa boletuechani para nirani ka junguani.

Nájkirukaksï ióntki úkuarhipkia sáno májkueni járhati programecha, i uéxurhini no májkuenipirindi. Komite Jorhentperakueri Grupueri enga Orhejtsïkuajka iámindu kúnguarhikuechani exespti eska úkuarhipiringa jimbanhi departamentu ma enga arhinhaenga Sección de Viajes de la central mundial, para apartariuani boletuechani.

Ísï no ióni jimbo enga axanhapka karta, úndasptiksï niárani ofisinecharhu uánikua solisitudicha para kurhajkuarhiani abioniri boletuechani. Para eneruni de 2014, i departamentu kánikua ánchikuarhita jatsispti. Ima engaksï Sección de Viajes jimbo ánchikuarhienga jirinhasptiksï ka apartariuani boletuechani para imecha engaksï interu parhakpini jaka marhuani de tiempu kompletu.

Uáni arregluechani para máru biajicha, kánikua úkua jukaspti. Máruksï jatsispti para biajarini desde Reykjavík (Islandia) asta Cochabamba (Bolivia); máteruksï desde Nouméa (Nueva Caledonia) asta Antananarivo (Madagascar). Jarhasptiksï máru engaksï desde Port Moresby (Papúa Nueva Guinea) a Seattle (Washington, Estados Unidos) nípka, ka desde Ouagadougou (Burkina Faso) a Winnipeg (Canadá).

Sinku ánchikuarhiricha i departamentueri Sección de Viajes de la central mundial, apartariuasptiksï 19,000 biajichani abioni jimbo, para masi o menusi 4,300 erachicha, 176 paisicheri. Iámindu i biajichaksï úspti úkuarhini imani tumina jimbo engaksï kúnguarhikuecha íntspipka para i ambe únhani.

Erachichaksï kánikua agradeserispti ini ánchikuarhitani. Temungurhiri ma engaksï misionerueka karaspti: “Iásïchi kʼuanhatsintaaka sureste asiático, jima engachi marhuani jaka. Kánikuachi agradeserisïnga jarhuajperatani para biajarini Inglaterra, jima engachi anapueka ka parachi juchari familia jingoni jarhani engachi sinku uéxurhini no exepka. Nochi úpiringa ísï úni enga no ini jarhuajperata jimboejka. Kánikua diosmeiamu imechani engaksï ánchikuarhika para i ambe úni úkuarhini”.

Misioneru ma enga Paraguay marhuajka, karaspti: “Juchiti uarhiiti ka ji uékasïngachi kánikua agradeserini engachi úka nirani kʼéri tánguarhikua internasionalirhu Nueva Jersey (Estados Unidos). Uéxurhini 2011 uénani jámani, úndaspkachi aorrarini parachi nirani Estados Unidos ka miiuni sede mundialirhu. Peru juniuni de 2011, pʼímarhisptijtsïni parachi pʼorhembiani Paraguay anapu kúnguarhikuechani, idioma seniasiri. I ambe arhikuekasïrendi eskachi jatsispka para kánikua biajarini. Ísï jimbo, kánikuachi eratsintaspka ka erakuspkachi no nirani Estados Unidos ka piáni troka ma parachi úni sánderu sési kumplirini juchari jimbanhi ánchikuarhita jingoni. Jimajkani, pʼímarhisptijtsïni parachi nirani kʼéri tánguarhikua internasionalirhu. Ambe engachi eratsini japka niáraspti ísï úkuarhini. Kánikuachi agradeserikusïnga Jeobani ini kóntperata jimbo ka uékperakua jimbo engajtsïni xarhatachika”.

“Soluchi uékasïrenga axani ini korreu elektronikuni paraksïni arhini: ‘¡Kánikua diosmeiamu!’ —karaspti Malaui anapu temungurhiri ma—. Nochi úsïnga ni sikiera eranhaskani na xáni ánchikuarhita, tiempu ka tumina úrakuarhi para organisariuani xáni uáni biajichani. Kánikuachi agradeserisïnga ánchikuarhitani ka sánderu, Jeobaeri kúnguarhikueri intsïmperakuani enga úka eskachi nipiringa juchari kʼumanchikuarhu, kʼéri tánguarhikua internasionalirhu ka eskachi juchari familia ka amiguecha jingoni japiringa.”

Ekipu Sección de Viajes de la central mundialiri kánikua tsípixapti ánchikuarhita jimbo engaksï úpka. “Jarhuataani misioneruechani paraksï kʼuanhatsintani imecheri kʼumanchikuecharhu para exeani familiarichani ka amiguechani, kʼéri ma tsípikuarhitesti”, ísï uandaspti Mileivi. Dorise, uandasïndi: “Exeska na enga xáni uékperakua jatsika Jeobaeri kúnguarhikua imechani jimbo engaksï máteru paisicharhu marhuajka”. Ka Rodney, enkargadu departamentueri, uandaspti: “Kʼéri ma tsípikuarhitesti para ji engani úka jarhuajpini ini ánchikuarhitarhu”.

Interu parhakpini anapu Jeobaeri testiguechaksï kánikua tsípixati, jimbokaksï jarhuajpiska paraksï erachicha ka pirenchicha engaksï xáni ánchikuarhijka, úni intsïnhani ini regalu enga xáni uékperakua jingonika.