Exeni ambe enga jataka

Segundu menu jimbo nirani

Jeobaeri testiguecha

Purépecha

Juchari grupu enga utusï jimbo tradusirijka mótsisïndi España

Juchari grupu enga utusï jimbo tradusirijka mótsisïndi España

Jesusi uandasptia eska ambakiti eianhperakuecha Tata Diosïri Reinueri ambe eianhpinhapiringa para iámindu nasionicha (Mateu 24:14). Paraksï kʼuiripuecha úni mítini ini eianhperakuani imecheri idioma jimbo, Jeobaeri testiguechachi uánikua idioma jimbo tradusirisïnga Bibliarhu anapu publikasionichani, engaksï orheta inglesi jimbo únhajka. Uéxurhini 1909 jimbochi uénaska tradusirini utusï jimbo, jimboka i jindeska idioma enga sánderu uandanhajka despuesi de chino. Iásï, sáno 500 miioni kʼuiripu iámu parhakpini jimbo utusï uandasïndi.

“Utusï idioma máesti enga uápuru uandanhajka. Uánikua paisichani jimbo uandanhasïndi engaksï mámaru jásï kultura jatsika”, ísï uandasti William, enga indeni grupu jingoni jaka enga utusï jimbo tradusirintajka juchari publikasionichani. Ka ístu uandasti: “Ambe engachi jucha uékajka, jindesti eska mintsitarhu niárakuauaka ambe engachi jucha tradusirijka, no arhiparini naniksï anapueua, na engaksï xáni estudiarika, o na engaksï irekuarhika”. Paraksï sési úni ini ánchikuarhitani enga no fásiliika, ini grupuni jimboksï jarhasti Argentina, Colombia, El Salvador, Estados Unidos, Guatemala, México, Puerto Rico, Uruguay, Venezuela ka ístu, España anapuecha.

Grupu enga tradusirijka utusï jimbo, uánikua uéxurhini jarhaspti Estados Unidos, ka indeni tiempu jimbo, jarhuatasptiksï máru traduktoricha engaksï Argentina, México ka España anapuepka. Peru 1993 jimbo, grupu móskunhaspti Puerto Rico ka jimaksï úsptia májku kʼéri ánchikuarhini.

Marsu 2012 jimbo, grupu enga tradurijka ménderu mótsispti, peru iásï Jeobaeri testiguecheri sukursalirhu enga España jaka. Edward, enga ístu mótsipka grupu jingoni, uandasti: “Móskuskachi iámu grupuni, ambe engaksï xáni jatsikuarhipka ka muebli ambe ka ambe engaksï ofisinecharhu úraenga, peru ístu máteru ambe enga ísïpka eska ma juchari grupurhu anapu: bibliotekani”. Ini bibliotekani jimbo, 2,500 libruechaksï jarhasti para inbestigarini, ka ístu uánikua Bibliaecha utusï jimbo.

Familia Beteli España anapu tsípikua jingoni sési janokua ma íntskuaxati

Grupu enga tradusirijka utusï jimbo, niárasti España 29 de maiuni 2013 jimbo. Familia Beteli España anapu kánikuaksï tsípikua jingoni erokaaspti. Traduktoricha, libruecha, mueblicha ka ambe engaksï úrajka ofisinecharhu jatsisptiksï para parhikuni oceáno Atlántico jimbo, peru jimboka iámindu ambe sési eratsikata jarhaspka, ka jimbokaksï uinhamu ánchikuarhispka uánikua kʼuiripuecha, nochi méni kueratanchaska intsïnhani publikasionichani utusï jimbo. Edward uandasïndi: “Ambe enga sánderu jukaparhakueka jindesti uandantani Tata Diosïri Reinueri ambe, ka jucha uékasïnga eska inde ambe enga Biblia uandajka, mítiakaksï iámindu imecha engaksï utusï uandajka”.