Exeni ambe enga jataka

Segundu menu jimbo nirani

Jeobaeri testiguecha

Purépecha

No ma jarhasti máteru rebista komueska La Atalaya

No ma jarhasti máteru rebista komueska La Atalaya

La Atalaya jindesti rebista enga sánderu etsakunhajka parhakpinirhu, 42 miioni kopiechaksï imprimirinhasïndi mándani rebisteri. Ka jimajku jindesti ¡Despertad!, enga imprimirinhajka 41 miioni kopiecha. Jeobaeri testiguechaksï uásïndi ini tsimani rebistechani ka jarhastiksï 236 paisicha ka territoriuecha jimbo.

¿Ambechi uá uandani máteru rebistecheri? Seguni eska na uandajka The Association of Magazine Media, rebista Estados Unidos anapu enga sánderu atarakuarhintajka jindesti ima enga American Association of Retired Persons újka, kúnguarhikua ma para kʼuiripuecha engaksï jukari 50 uéxurhini jatirikia. Imprimirinhasïndi 22,4 miioni kopiecha i rebisteri. Rebista Alemania anapu ADAC Mortorwelt 14 miioni kopiecha etsakunhasïndi, ka rebista China anapu Gushi Hui (de historias y relatos) imprimirinhasïndi 5,4 miioni kopiecha.

Ka periodiku enga sánderu etsakunhajka jindesti Japón anapu Yomiuri Shimbun, imprimirinhasïndiksï jukari 10 miioni kopiecha.

Testiguecheri rebistechaksï ístu jindesti engaksï sánderu tradusirinhajka, La Atalaya 190 idiomecha jimbo tradusirikuarhisïndi, ka ¡Despertad! 80 idioma jimbo. Peru, Reader’s Digest (utusï jimbo, Selecciones) tradusirinhasïndi 21 idiomecha jimbo ka ambe enga arhijka mójtakurhisïndi seguni eska para náki paisiuaka.

Máteru ambe engaksï jimbo ménderuenika La Atalaya ka ¡Despertad! jindesti eskaksï imani tumina jimbo únhasïnga enga tsípikua jingoni íntspinhajka. Nóksï jukasti anunsiuecha para ambe ma atarantani ka nóksï íntspikuarhinhasïndi.

La Atalaya, únhasti desde 1879 uératini para mítitarpini Bibliaeri ambe ka sánderu para ambe enga arhijka Tata Diosïri Reinueri ambe. ¡Despertad! exeasïndi iámindu járhati temaechani engaksï iáminduecha jatsiajka —eska na jindeka siensiaeri ambe ka kueraakateri ambe— para úni eskaksï jakajkuaka Tata Diosïni. Ístu xarhatasïndi na enga xáni jukaparhakua ambe jataka Karakata para jucha.