Exeni ambe enga jataka

Segundu menu jimbo nirani

Jeobaeri testiguecha

Purépecha

Pájina jw.org jukari 300 idioma jimbo jarhasti

Pájina jw.org jukari 300 idioma jimbo jarhasti

Engajtsï jaiaskukuska jima enga arhijka “Erakuni idiomani” ini pájina jimbo, uákajtsï exeni jukari 300 idiomechani, ma ambe enga no kánikua újka exeni ma máteru pájinechani jimbo, Internetirhu.

Peru ísïsti, uánikua pájinechaksï jarhasti engaksï ístu uánikua idiomecha jimbo jaka, peru no ma xáni uánikua jimbo eska jw.org. Ju je exeani máru ejempluechani. Para juliu 2013 jimbo, pájina ofisiali de las Naciones Unidas 6 idioma jimbo jarhaspti, ka pájina de la Unión Europea, 24 jimbo. Máru ambe Googleri 71 idioma jimboksï jarhaspti, ka Wilipedia jimbo, úsïrendi ma 287 idioma jimbo arhintani ambe ma.

Kánikua ánchikuarhita uétarhisïndi para úni eska pájina ma jukari 300 idioma jimbo jauaka. Uánikua Jeobaeri testiguechaksï interu parhakpinirhu anapuechaksï jarhuajpesïndi para tradusirintani ini pájina, paraksï kʼéri ambe arhini Tata Diosïni. I pájina inglesi jimbo únhasïndi, ka mándani idioma jimbo, grupu ma jarhasti engaksï no ma tumina andajka, ka engaksï mítika tradusirini ini pájinani ka engaksï ísï újka.

Pájina jw.org, uánikua pájinechani jataasti engaksï tradusirikata jaka jukari 300 idioma jimbo. I pájina jukari 200,000 pájinechani jataasti, i ambe meru kánikuesti.

I pájina jw.org engaksï uánikuecha újka exeni ístu kánikua inchanhasïndi. I ambe xarharasïndi ima listarhu enga íntspijka empresa Alexa, enga tánantani jarhajka datuechani na enga xáni inchanhajka pájinarhu ma Internetiri. Inde parti jimbo enga jindeka “Religión y espiritualidad” xarharasïndiksï jukari 87,000 pájinecha, ka jimaksï jarhasti relijionicha engaksï sánderu kʼératika interu parhakpinirhu ka ístu engaksï máteru organisasionirhu anapueka ka imecha engaksï publikasionichani uájka relijionicheri. Ini lista jimbo, jw.org segundu lugarirhu jarhaspti juliu 2013 jimbo. Primeru lugari jimbo jarhaspti pájina ma enga jimbo ma újka inchani para mámaru járhati traduksionichani exeani Bibliaeri.

Oktubrini 2013 jimbo, jw.org jimbo jukari 890,000 kʼuiripu inchasïrendi pauani pauani mámaru járhati dispositibu elektronikuechani jimbo. Ka uékasïngachi seguirini íntspini ambakiti Bibliarhu anapu informasioni no ma tumina jimbo, iámindu imechani engaksï Internetirhu inchajka.

PARAJTSÏ SÁNDERU MÍTINI

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Nénaksï karakuarhisïni Jeobaeri testiguecheri takukatecha ka nénaksï peentasïni máteru idioma jimbo?

Juchachi uásïnga takukatechani jukari seisientu idioma jimbo. ¿Andichisï xáni jánguarhintajki i ánchikuarhitani úni?