Exeni ambe enga jataka

Segundu menu jimbo nirani

Jeobaeri testiguecha

Purépecha

Únhasïndi La Atalaya lenguaje sensiiu jimbo

Únhasïndi La Atalaya lenguaje sensiiu jimbo

Uéxurhini 2011 jimbo, rebista La Atalaya para estudiu inglesi jimbo uénasti únhani lenguaje sensiiu jimbo para prueba ma, ma uéxurhini. Primeru númeru jindespti juliueri de 2011. Ka iásï enga kʼamarakia tiempu pruebaeri eratsinhasti seguirini únhani i rebista.

Ka eneruni de 2013 uératini, ístu jauatia utusï, francés ka portugués jimbo.

I rebista inglesi jimbo enga lenguaje sensiiuerika jindesti para jarhuataani imechani engaksï kúnguarhikua inglesiri ma jaka, peru enga imecheri idioma no meru jindeka inglesi.

Desde jiájkani enga orheta númeru uéraka, uénaspkachi axaminhani uánikua kartechani agradesimientueri. Liberia uératini janochesptijtsïni nota ma Rebekaeri enga 64 uéxurhini jatirika enga no méni nika eskuela. Arhisïrendi: “Jorhenguarhixaka arhintani. Ka tsitisïnga rebistani lenguaje sensiiueri. Antesi no kurhangusïrenga rebistani La Atalaya, peru iásï kʼória”.

Uánikua tátichaksï úraxati rebistani lenguaje sensiiueri engaksï jarhuataani jámaaka uájpechani paraksï prepararikuarhini Jorhenguarhikua La Atalaya jingoni, tánguarhikua ma engaksï Jeobaeri testiguecha jatsijka.

Rosemary, enga tʼarhexeraani jaka tanimu nimakua jembechani, karasti: “Estudiarini rebistani La Atalaya méntkisïjtsïni úkua jukachisti. Jatsisïrengachi para méntku úndani úrani diksionariuni. Ménisïchi xáni jánguarhintasïrenga kurhanguani uandakuechani, engaksï jamberi juchiti nimakuecha no kurhanguenga para ambespi ima tema. Iásïchi úsïngia sánderu tiempu úrani para Bibliaeri textuechani jirinhantaani ka exeni nénaksï terokuntasïni jorhenguarhikua jingoni”.