Exeni ambe enga jataka

Segundu menu jimbo nirani

Jeobaeri testiguecha

Purépecha

Biblioteka ma enga ma újka iápurisï páni

Biblioteka ma enga ma újka iápurisï páni

Uéxurhini 2013, 7 de oktubrini jimbo, Jeobaeri testiguechaksï petasti aplikasioni ma inglesi jimbo para iámindu kʼuiripuecha, para arhintani ka estudiarini Bibliani, telefonuecha jimbo, tabletecha jimbo ka máteru aparatuecha jimbo. I aplikasioni arhinhasïndi JW Library, ka gratisisti ka seisi traduksionichani jataasti Bibliaeri inglesi jimbo, ma jindesti King James Version (Versión del Rey Jacobo) ka ístu Traducción del Nuevo Mundo de las Santas Escrituras enga 2013 jimbo uéraka. *

^ párr. 2 I aplikasioni aktualisarikuarhisti eneruni 2014 jimbo, paraka úpiringa xarharani Bibliarhu anapu textu ma mándani jurhiatikua komentariu ma jingoni, ka ístu pirekuecha engaksï Jeobaeri testiguecha úrajka.

¿Andisï únha i aplikasioni?

Miioni kʼuiripuechaksï úraasïndi telefonuechani, tabletechani, ka máteru jásï aparatuechani paraksï ánchikuarhini, uandontskuarhini ka paraksï informasioni ambe exeni. Ka para úni jarhuataani ini kʼuiripuechani, Jeobaeri testiguechaksï petasptia pájinarhu jw.org uánikua ambe enga marhuajka paraksï kʼuiripuecha jorhenguarhini Bibliaeri ambe. Jimajkani, ¿andiksïsï peta JW Library?

Ma ambe jimbo jindesti eska enga nema késkujkia ini aplikasioni, nóteru uétarhisïndia konektadu jarhani Internetirhu. Ístu, jimboka úkata jarhaska para ma fásilku exeantani Bibliarhu anapu textuechani ka para ma úni sési estudiarini Bibliani. Ju je exeni para ambe ka ambe marhuasïni.

Marhuasïndi para Bibliani estudiarini

Enga ma primeru uelta inchajka, uérasïndiksï Bibliarhu anapu libruecha. Ka enga ma erakujka ma, kapituluechaksï xarharasïndi inde librueri. Ísï úsïndi ma sóntku exentani bersikulu ma o textu ma Bibliarhu. Ka ístu, i aplikasioni ambakiti ambe jatasti enga kánikua marhuajka para ma úni Bibliani estudiarini, ariksï jindesti máru ambe:

  • Notecha kétsekua, para ma exeni na enga ístu arhikuarhintajka ka máteru ambakiti ambe

  • Máteru textuecha engaksï sáno májkueni uandajka

  • Erramienta ma para exeantani uandakuechani o frasichani

  • Mándani Bibliarhu anapu libru jimbo jukasïndi ambe enga jataka inde libru

  • Tabla ma enga uandajka né karaski indeni libruni, na jatini ka nani karakuarhiski ka na enga xáni ióniri ambe uandantajka

  • Jatasti mapecha, tablecha, lineaecha para tiempu exeni ka diagramecha kolori jimbo

Májkueni eska iámindu publikasionicha Jeobaeri testiguecheri, aplikasioni JW Library gratisisti. I aplikasioni, úkata jarhasti imani tumina jimbo engaksï kʼuiripuecha tsípikua jingoni íntspijka, ka jukari ma miioni késkunhastia i aplikasioni (2 Korintu 9:7). Engajtsï nótki késkuni jaka, ¿andijtsïsï no késkujki ini bibliotekani ka jánguarhintani úrani eskajtsï xáni uáka?