Exeni ambe enga jataka

Segundu menu jimbo nirani

Jeobaeri testiguecha

Purépecha

Warwick máru fotuecha 1 (maiu asta agostu 2014)

Warwick máru fotuecha 1 (maiu asta agostu 2014)

Jeobaeri testiguechaksï úxati nani enga jindeuaka imecheri sede mundiali jini Warwick (Nueva York). Desde maiu asta agostu jamberi 2014, kánikua ambe úkuarhistia jima enga jindeuaka taieri para trokechani jatsiantani, edifisiu para ofisinecha, ka edifisiu de serbisiu para familia Beteli, ka edifisiuecha C ka D, engaksï jindeuaka para irekanhani. Íksï fotuecha xarhatasïndi máru ambe enga úkuarhika ini kutsïcha jimbo.

Dibuju Warwick edifisiuecheri.

  1. Taieri para trokechani uántani

  2. Estasionamientu para ima engaksï niuaka miiuni

  3. Edifisiu mantenimientueri ka estasionamientu para engaksï jima irekaaka

  4. Edifisiu para irekanhani B

  5. Edifisiu para irekanhani D

  6. Edifisiu para irekanhani C

  7. Edifisiu para irekanhani A

  8. Edifisiu para ofisinecha ka para familia Beteli úrani

1 de maiu 2014(Nani enga úkuarhini jaka ambe ma Warwick)

Na enga xarharajka lagu enga Sterling Foresti jaka (Blue Lake), enga ma exejka suroeste uératini nortisï. Orheta, xarharasïndi ánchikuarhita enga úkuarhini jaka sotanurhu edifisiu D jimbo enga jindeuaka para irekanhani. Lagurhu no iauani, prepararikuarhixati estrukturecha sementueri (ormigón) para edifisiu C, enga jindeuaka para irekanhani.

14 de maiu 2014(Nani engaksï antesi uájka estrukturechani)

Máru ánchikuarhirichaksï armarintaxati baniu ma enga úkata japkia para edifisiuecha engaksï jimbo irekanhaaka. Baniu jukasti estruktura, bentilasioni, regadera, paredicha, tuberia ka instalasioni para lusi. Kuartu para baniu, kʼamarakuarhiati engaksï instalariuakia edifisiurhu.

22 de maiu 2014(Taieri para trokechani uántani)

Máru plomeruechaksï (fontareros) sótanurhu ánchikuarhixati. Enga jamberi kʼamaranhaaka kontstruksioni, i taieri úrakuarhiati paraksï 500 ísï ánchikuarhiricha ixú tʼireni. Máteru lugarichajtuksï prepararikuarhiati paraksï máteru 300 ísï tʼireni. Enga ánchikuarhita kʼamarani jauakia, i lugari nóteru úrakuarhiati para tʼirenhani ka úrakuarhiati para trokechani jatsiantani.

2 de juniu 2014(Taieri para trokechani uántani)

Máru ánchikuarhirichaksï etsakuxati ambakiti echeri iámu asotearhu, plantecha jingoni para no xáni no sési úkuni medio ambienteni ka para no xáni energia úrakuarhini. Plantechaksï antsitasïndi itsï enga uekorhijka ka filtrarisïndi kontaminasioni janikueri.

5 de juniu 2014(Edifisiu para ofisinecha ka para familia Beteli úrani)

I edifisiu, tanimu parti jimbo jarhasti, arhi edifisiu xáni kʼériuati, 42,000 metru kuadradu (450,000 pies cuadrados). Foturhu, xarharasïndiksï máru ánchikuarhiricha empresaeri ma engaksï bariiechani jatsikuani jaka pilarichani paraksï sánderu uinhapiti jarhani.

18 de juniu 2014(Taieri para trokechani uántani)

Ánchikuarhiricha máru sopleteksï ma úraxati paraksï jatsikuni asotearhu tela chapopoteri. Arnesiksï ma jukasïndi paraksï kuájchakukuarhini engaksï ma repentku uekorhintaska.

24 de juniu 2014(Edifisiu para irekanhani C)

Jatsikuxatiksï tubuechani ka sistemechani para kalefaksioni, bentasioni ka aire akondisionadu. Ánchikuarhiricha engaksï Warwick ánchikuarhini jaka 35% pirenchichestiksï.

11 de juliu 2014(Montgomery, Nueva York)

I propiedadi febreru de 2014 jimbo piákuarhisti, ka úrakuarhisïndi para almaseni, ka para fabrikarikuarhini ambe ma. Kʼésti 20,000 metru kuadradu (220,000 pies cuadrados). Urapiti ambe enga sánderu iauani xarharajka, baiuestiksï engaksï úkata jakaia ka listu jarhani paraksï axanhani.

24 de juliu 2014( Edifisiu para irekanhani C)

Sánderu ixujku, exesïngachi fachada noroesteri anapu edifisiu C enga jimbo irekanhaaka. Ixuksï 200 betelitechisï irekaati. Mándani kuartu 30 ka 55 metru kuadradueuati (350 ka 600 pies cuadrados). Jukaatiksï kosina sapichu ma, baniu ma ka balkoni ma.

25 de juliu 2014(Edifisiu mantenimientueri ka estasionamientu para engaksï jima irekaka)

Úndasïndi prepararinhani echeri para konstruksioni. Karakua uikixkandani ladu uákajtsï exeni mákina ma enga tsakapu urhuni jaka, prepararixati materialini enga tátsekua konstruksionirhu úrakuarhiaka. Jarakukuarhiati 260,000 metru kúbiku (240,000 yardas cúbicas) echeriri astaka jamberi kʼamakurhinhaaka i ánchikuarhita. Mándani jurhiatikua ánchikuarhisïndiksï 23 volquetes (dumpers).

30 de juliu 2014(Taieri para trokechani uántani)

Jatsintaxatiksï plantechani asotearhu.

8 de agostu 2014(Nani enga úkuarhini jaka ambe ma Warwick)

Suruesterisï erani jarhani desde kʼéri grua ma uératini, enga edifisiu ma jimbo jaka enga jindeuaka ofisinecharhu. Kétsekua uikixkandani ladu, xarharasïndi estasionamientu enga jindeuaka para imecha engaksï niuaka miiuni, pauani pauani uinisïndi imecheri trokecha jingoni engaksï nirajka ánchikuarhini. Máruksï asta dose oraksï úsïndi paraksï úni niárani ka paraksï úni sikiera tresi o kuatru jurhiatikua ánchikuarhini.

13 de agostu 2014(Taieri para trokechani uántani)

Ánchikuarhita enga úkuarhini jaka jima enga úrakuarhini jaka komueska komedori, kasi jarhastia. Ini telebisionicha jimbo (engaksï nótki istaladu jaka) ka ístu máru bosinecha jimbo, ánchikuarhirichaksï uáti exeni ka kurhaani adorasioni matutina ka máteru programaecha paraksï jorhenguarhini Tata Diosïri ambe, ka engaksï nitamatarakuarhiaka sukursali Estados Unidos uératini.

14 de agostu 2014(Edifisiu para ofisinecha ka para familia Beteli úrani)

Jatsiranhaxati sementu (ormigón) primeru pisurhu. Jurhijkandani ladu ánchikuarhiri ma jarhasti enga mákina ma úrani jaka, enga újka eska no ma burbuja pakaraaka sementurhu ka enga újka eska sánderu sési taiantskakata pakaraaka.

14 de agostu 2014(Edifisiu para ofisinecha ka para familia Beteli úrani)

Iámindu ambe para lusi jatsikuni enga terojkani niuaka edifisiurhu ka enga túskukata pakaraaka sótanurhu kétsekua.

14 de agustu 2014(Edifisiu para ofisinecha ka para familia Beteli úrani)

Primeru pisu kasi jarhastia. Úrakuarhistiksï 540 metru kúbiku (700 yardas) sementueri (ormigón), asta iásï jamberi no úrakuarhixapti xáni sementu ini ánchikuarhita jimbo. Sementu, preparikuarhisïndi planta ma jimbo enga jeuetajka ka enga jima mísmu jaka enga úkuarhini jaka konstruksioni ka úrakuarhistiksï ochu kamionicha engaksï jeuetajka ka tsimani bombecha engaksï pájka sementuni asta edifisiuecharhu. Iámindu i ambe úkuarhisti sinku ora ka terujkani jimbo. Foturhu terojkani jarhasti torre ma nani engaksï eskalerecha jaka.

14 de agostu 2014(Edifisiu para irekanhani C)

Máru ánchikuarhirichaksï úxati barda sapichu ma asotearhu para no nema uekorhintani. Sánderu iauani, úkuarhixati sótanu edifisiueri A, nani enga irekanhaaka.

15 de agostu 2014(Edifisiu para irekanhani C)

Úrakuarhisïndi grúa ma para baniu úkata ma karatani terseru pisurhu. Uánikua ambe engaksï úrakuarhijka ini ánchikuarhita jimbo Warwick, úkataksï jarhasïndia. I ambe úsïndi eska no uánikua ánchikuarhiricha jauaka jima enga ánchikuarhinhani jaka. Ka ístu, úsïndi eska sánderu sóntku jauaka ánchikuarhita.

20 de agostu 2014(Edifisiu para irekanhani C)

Máru ánchikuarhiricha empresarhu anapu ma jatsiaxatiksï máru paredicha sementueri engaksï úkata japkia, ka engaksï arhinhajka eskaksï jindeska alta eficiencia energética jingoni. Íksï paredicha, kasi no uétarhinchasïndi mantenimientu ka no uétarhisïndi atarhintani jimbokaksï kolori jingoni jurhasïngia. Íksï paredicha fásili instalarikuarhisïndi, ka i ambe jarhuajpiati para sánderu sóntku kʼamakurhini ánchikuarhita.

31 de agostu 2014(Nani enga úkuarhini jaka ambe ma Warwick)

Ari fotu jindesti desde suroeste uératini. Sánderu ixuani, úsïndi exekuarhini na enga armarikuarhini jaka ambe ma edifisiurhu D enga jindeuaka para irekanhani. Inderi tátsepani edifisiu C jarhasti enga ístu jindeuaka para irekanhani ka kasi listu jarhastia.