Exeni ambe enga jataka

Segundu menu jimbo nirani

Jeobaeri testiguecha

Purépecha

Únhastiksïa mili Kʼumanchikuecha Reinueri

Únhastiksïa mili Kʼumanchikuecha Reinueri

Agostuni de 2013, Filipinas anapu Jeobaeri testiguechaksï kʼamarasti úni Kʼumanchikua Reinueri kánikua espesiali ma. ¿Andisï xáni espesialipi? Jimboka jindespka númeru 1,000, programaeri ma enga únhapka. Kúnguarhikuecha imani paisiri —ka uánikua máteruecheri— nóksï jatsisïndi tumina, ni né úni ánchikuarhita para uáni kʼumanchikuechani engaksï jindepiringa para tánguarhikuecha. Máru kúnguarhikuechaksï filipinas anapu, uánikua uéxurhini tánguarhispti erachicheri kʼumanchikuecharhu o sapirhati kʼumanchikuecharhu engaksï bambúeripka.

Grupu enga Orhejtsïkuajka iámindu kúnguarhikuechani Jeobaeri Testiguecheri, uaxastasti 1999, programa ma para uáni Kʼumanchikuechani Reinueri engaksï xáni uétarhini japka, jimboka uánikua paisicharhu —komueska Filipinas— Testiguechaksï sánhani arhixapka uánini. I programa únhasti para jarhuataani kúnguarhikuechani, paisicheri engaksï no káni tumina jatsika. Kúnguarhikuechaksï jarhuajpesïndi na engaksï jingoni xáni újka para Kʼumanchikua Reinueri ka imani tumina jingoni andangutanhasïndi engaksï máteru paisi anapu Testiguecha íntspijka tsípikua jingoni. Ístu, únhasïndiksï grupuecha erachicheri engaksï jorhenaka konstruksioniri ambe paraksï jarhuajpini. Filipinas, nobiembrini de 2001 jimbo uénasti úrakuarhini i programa.

Iluminado Testigu máesti kúnguarhikuarhu ma de Marilao (provincia de Bulacan), jima enga Kʼumanchikua Reinueri númeru 1,000 únhaka. Ima uandasïndi: “Exeskia eskachi meru májku kʼéri jarhaska. Uánikua erachichajtsïni jurhasti jarhuatani; tatakecha, nanakecha, tumbiicha ka kʼératicha. Márkuchi ánchikuarhiska nájkiruka kánikua aparhekuarhipka. Ka nájkirukachi kánikua kuataratini kʼamarenga, kánikuachi tsípini pʼikuarherasïrenga iámindu ambe jimbo engachi uénga”.

Na engaksï xáni jánguarhintapka jarhuajpiricha no solu Testiguechani ísku pakataspti. Ejemplu ma, kamioniri dueniu ma, enga arena ka graba pákuauenga, uandaspti: “Chájtsï ísïska komueska sïrukicheri ejersitu ma. Iáminduksï ánchikuarhixati. No na jatini exespka i jásï ambe”.

Kʼumanchikua Reinueri kʼamarakatia

Desde enga uénaka únhani kʼumanchikua asta kʼamarakuarhika, no jamberi seisi semana nitamaspti. Jimboka no sáni ióndaspka kʼamarakuarhini, Marilao anapu Testiguechaksï úspti seguirini eianhpini tsípikua jingoni, ambakiti ambe Tata Diosïri Reinueri, ánchikuarhita enga sánderu jukaparhakueka (Mateu 24:14).

Ellen, jima anapu ma Testigu, uandantasïndi: “Kʼumanchikuarhu engachi antesi tánguarhienga nochi jatanhesïrenga iáminduecha ka uánikua kʼuiripu jatsisïrendi para uérakua uaxakani. Peru jimbanhi Kʼumanchikua Reinueri kánikua sési jáxesti ka sánderuchi agustu jarhasïnga. Iásï, iáminduechachi úsïngia sánderu sési aprobecharini jorhenguarhikuani ka uinhaperantskuani engachi intsïnhajka tánguarhikuecharhu”.