Exeni ambe enga jataka

Segundu menu jimbo nirani

Jeobaeri testiguecha

Purépecha

Kuájchakunhasïndi Warwick anapu naturalesa

Kuájchakunhasïndi Warwick anapu naturalesa

Jeobaeri testiguechaksï úxati imecheri jimbanhi sede mundialini lagu de Sterling Forest (Blue Lake) no iauanisï, lugarirhu ma engaksï uánikua anhatapuecha jukaka estadu de Nueva York (Estados Unidos). ¿Ambeksï úxaki para kuájchakuni jima anapu naturalesani ka animalichani?

Testiguechaksï ótasti iámu uirhipandani konstruksioniri, paraksï animalicha no inchaakuni komueska crótalo de bosque (ma jásï akuitsi), tortuga de caja de las Carolinas ka galápago de bosque. Ótanhasti paraksï animalicha no no sési ambe úkuarhinchani jima enga ánchikuarhinhani jaka. Jimbosï méntku rebisarinhani jarhajti. Enga na kʼamarakuarhiakia konstruksioni ka nóteru ótakuarhenia, náki uéjki crótalo de bosque enga edifisiuecharhu no iauanisï jauaka, máteru nani móskunhaati imechani jimbo engaksï indeni ambe jorhenaka úni.

Azulejo garganta canela

Parakaksï azulejos garganta canela (o venturas azulillos) úpiringa seguirini uáni xerekuechani, anhatapuechaksï inbiernu jimbo chʼapanhaspti. Enga na kʼamarakuarhiakia konstruksioni, Testiguechaksï pérauati kajechani para xerekua, parakaksï pájaruecha kʼuanhatsintaaka.

Máru terrenuechaksï nibelarinhasïndi ka sési jántskanhani oktubrini ka marsuni, para jurajkuni eskaksï semiiecha Scutellaria integrifolia, enga nóteru kánikua jukajkia, uáka etsakuarhini ka tsïuani. Íksï ánchikuarhitecha meru ini tsimani kutsïcha jimbo únhasïndi, nájkiruka desde 2007 i planta nóteru jukajkia sede mundialiri terrenuecharhu.

Terrenuechaksï lagu de Sterling Forest uanamukutini jarhasti, jima engaksï irekaka máru itsïrhu anapu abecha, ka ístu kuruchecha komueska truchas, lobinas, lucios ka percas. Para kuidarini laguni, úranhaatiksï técnicas de construcción ecológicas. Plantechanksï jatsiparhatauati edifisiuecharhu enga antsitaaka janikueri itsï, enga limpiariuaka ka enga uáka eska no xáni itsï iorheaka terrenurhu. Ístu, jurajkunhaxati ka kuidarinhani iámindu ambe enga lagurhu uanamukutini jaka.

Testigu ma enga jarhuajpika ini ánchikuarhitarhu, uandasïndi: “Nájkiruka tiempu uétarhijka ka uáni arregluechani, para kuájchakuni naturalesani ka animalichani Warwick, mítiskachi eskachi jatsiska para ísï úni ka uékasïngachi ísï úni”.

PARAJTSÏ SÁNDERU MÍTINI

KONSTRUIRISÏNGACHI AMBE MA

Jeobaeri testiguechaksï móskuati imecheri sede mundialini

Sede mundiali Jeobaeri testiguecheri Brooklyn (Nueva York) jarhasti desde 1909. ¿Andiksïsï eratsi móskuni?