Exeni ambe enga jataka

Segundu menu jimbo nirani

Jeobaeri testiguecha

Purépecha

Fotuecha Warwick anapu 6 (marsu a agostu de 2016)

Fotuecha Warwick anapu 6 (marsu a agostu de 2016)

Íksï fotuecha xarhataasïndi máru ánchikuarhitechani engaksï úkuarhikia jimbanhi Jeobaeri testiguecheri sede mundialirhu, de marsu a agostu de 2016, ka ístu ambe engaksï xáni úkia boluntariuecha.

Dibuju de na enga pakaraaka Warwick:

  1. Taieri para trokechani uántani

  2. Estasionamientu para ima engaksï niuaka miiuni

  3. Edifisiu mantenimientueri ka estasionamientu para ima engaksï jima irekaaka

  4. Edifisiu para irekani B

  5. Edifisiu para irekani D

  6. Edifisiu para irekani C

  7. Edifisiu para irekani A

  8. Edifisiu para ofisinecha ka para familia Beteli úrani

16 de marsu de 2016 (Warwick)

Késkuaxatiksï anhatapuechani robleri ka arseri. Jukari 1,400 anhatapuechanksï jatsiantasti Warwick.

23 de marsu de 2016 (Taieri para trokechani uántani)

Ima engaksï Warwick ánchikuarhijka, úntaxatiksï tata Jesukristueri uarhikueri miántskuani. Ini lugarirhu, 384 kʼuiripuechaksï tánguarhispti. Jeobaeri testiguechaksï mándani uéxurhini úntasïndi ini Miántskuani interu parhakpini.

15 de abrili de 2016 (Warwick)

Karpinteruechaksï jatsikuaxati bentanechani kasetarhu enga entradarhu jaka. Ixú uératini, eronhaatiksï ima engaksï niuaka miiuni, kuidarinhaati lugari ka exenhaati náki karru uérasïni ka náki inchasïni.

19 de abrili de 2016 (Edifisiu para ofisinecha ka para familia Beteli úrani)

Táti ma, uájpa ma jingoni jatsintskaxati alfombra segundu pisueri pasiiurhu. Uánikua lugaricha jimbo, alfombra piesa jimbo jatsintskanhasti; ísï, sánderu fásiliuati mójtakuani imani piesechani engaksï nóteru marhuauakia.

27 de abrili de 2016 (Edifisiu para ofisinecha ka para familia Beteli úrani)

Karpinteruechaksï jatsikuaxati panelichani ofisinecharhu engaksï fásilika para pʼikuantaani. Ini panelicha jimboksï uáti ménderueni únhantani ofisinecha enga ísï uétarhiaka.

10 de maiu de 2016 (Edifisiu para ofisinecha ka para familia Beteli úrani)

Boluntariu ma ánchikuarhixati baniuecharhu enga resepsionirhu ma ladu jaka, ante deksï jatsïkuani tasechani ka panelichani engaksï arhukuauaka baniuechani.

26 de maiu de 2016 (Warwick)

Ekipu Emergensieri prepararikuarhixati para pátani insendiuni simulakru ma jimbo. I ambe jarhuataasïndi Beteliri bomberuechani paraksï sóntku jarhuajpini ka kuidarini kʼuiripuni ka edifisiuechani engaksï Warwick jaka. I ekipu kánikua jarhuatasïndi iretarhu anapu ekipu de emergensiani.

30 de maiu de 2016 (Edifisiu para ofisinecha ka para familia Beteli úrani)

Meseru ma íntskuasïndi lugari Warwick anapu ánchikuarhirichani antesi de uénani tsípa anapu primeru programa enga komedori prinsipalirhu exenhapka para Jeobani kómarhini.

31 de maiu de 2016 (Edifisiu mantenimientueri ka estasionamientu para ima engaksï jima irekaaka)

Karpintera ma úraxati nibeli ma enga laseririka para jatsikuni letreru ma, ima jukari 2,500 letreruecheri enga jarhuatauaka imechani engaksï jima irekaka ka engaksï niuaka miiuni.

1 de juniu de 2016 (Edifisiu para ofisinecha ka para familia Beteli úrani)

Soldadora ma, barandali ma jatsikuxati eskalerarhu enga resepsionirhu uératini nirajka asta auditoriurhu. Manta enga kétsekua jaka, no kurhisïndi chpiri jingoni ka kuájchakusïndi imani ambe enga jimajkisï jaka.

9 de juniu de 2016 (Edifisiu para ofisinecha ka para familia Beteli úrani)

Erachi ma enga Departamento de Paredes y Techos jimbo ánchikuarhijka, kʼamaraxati arreglarini bardani enga arini exposisionirhu pájpijka “Un modelo de fe en acción”, i jindesti ma, tanimu exposisioniri engaksï uáka exeni imecha engaksï niuaka miiuni. Na engaksï úkata jaka galeriecha, xarhatasïndi temani mándani exposisioniri.

16 de juniu de 2016 (Taieri para trokechani uántani)

Máru ánchikuarhirichaksï kutsuntskantaxati pisuni sementueri, para jatsintskani materiali ma enga uáka eska sánderu ióni durariuaka, eska sánderu fásiliuaka mantenerini, ka eska no sóntku tʼupuri jándeaka ka no kuirundini iantecha jimbo.

29 de juniu de 2016 (Edifisiu para ofisinecha ka para familia Beteli úrani)

Ekipu ma karpiteruecheri, ójtsïtaxati resepsioniri entradani fibra de bidriu jingoni. I panelichaksï jurajkusïndi eska tʼínhiaka incharini.

29 de juniu de 2016 (Edifisiu para ofisinecha ka para familia Beteli úrani)

Temungurhiri ma, jatsintskaxati bitropisu exposisioniiri entradarhu enga arhinhajka “La Biblia y el nombre divino”.

6 de juliu de 2016 (Edifisiu para ofisinecha ka para familia Beteli úrani)

Karpintera ma jatsikuxati butaka ma, 1,018 butakecheri engaksï auditoriurhu jukaaka. I auditoriurhu, familia Beteli estudiariuati rebistani La Atalaya ka jatsiauati máteru programechani.

9 de juliu de 2016 (Edifisiu para ofisinecha ka para familia Beteli úrani)

Ekipu ma karpinteruecheri, elektrisistecheri ka máteru boluntariuecha, jatsikuxatiksï letreru ma enga étskurhijka resepsionirhu para sési janokua íntsani imechani engaksï niuaka miiuni.

13 de juliu de 2016 (Edifisiu para ofisinecha ka para familia Beteli úrani)

Tsimani pirenchicha engaksï Ekipurhu jaka para Jarhuajpini Konstruksionirhu, itsïksï pákuasïndi ánchikuarhirichani resepsionirhu. Ekipuechaksï miátanhantasïrendi eskaksï jatsispka para itsïmani ka sánderu jiáni enga kánikua aparhekuarhienga.

19 de juliu de 2016 (Edifisiu para ofisinecha ka para familia Beteli úrani)

Karpinteru ma jatsikuaxati bitrinechani nani engaksï péranhaaka Bibliaecha para exposisioni “La Biblia y el nombre divino”. Máru ambe i exposisionirhu, mójtakurhini jauati paraksï sánderu Bibliaecha péranhani ka ístu ima ambe enga Bibliaeri istoriaeri ambe uandajka.

22 de juliu de 2016 (Edifisiu para ofisinecha ka para familia Beteli úrani)

Dibuju ma úraparini enga paredirhu xarharajka, karpinteru ma jatsikuaxati maparhu ma enga resepsionirhu jaka, piesechani enga Australia ka islechani asiaueri xarhatajka. Paredirhu xarharasïndi nombri Jeobaeri testiguecha kasi 700 idiomecha jimbo.

23 de juliu de 2016 (Edifisiu para ofisinecha ka para familia Beteli úrani)

Máru betelitechaksï tánguarhispti para kurhaani máru ambe engaksï jatsipka para arhinhani. I tánguarhikua únhaspti para sési janokua ma íntsaani imani betelitechani engaksï Warwick irekaaka. Ístuksï arhiaspti eskaksï útasï jingontku jámapiringa jimboka peligru jarhaspkateru.

17 de agostu de 2016 (Estudiu para JW Broadcasting)

Máru ánchikuarhirichaksï tirhipaxati estrukturani enga pʼíngujka aniiuni enga tʼirhetajka mesani nani enga orhejtsïkuti jarhajka para JW Broadcasting. Sáno iámindu ambe enga estudiurhu úrakuarhijka, imani estudiurhu uératini juánhasti enga Brooklyn japka.

24 de agostu de 2016 (Warwick)

Elektrisista ma, jatsikuxati entradarhu letreru ma enga étskurhijka LED jimbo. Sáno iámindu departamentuecha engaksï sede mundialirhu jaka, 1 de septiembrinksï uénasti ánchikuarhini Warwick.