Exeni ambe enga jataka

Segundu menu jimbo nirani

Jeobaeri testiguecha

Purépecha

Fotuecha Warwick anapu 4 (maiu anapu asta agostu 2015)

Fotuecha Warwick anapu 4 (maiu anapu asta agostu 2015)

Íksï fotuecha xarhatasïndi máru ánchikuarhitechani engaksï úkuarhikia jimbanhi Jeobaeri testiguecheri sede mundialirhu, entre maiu ka agostuni de 2015 ka ambe engaksï xáni úkia ánchikuarhiricha engaksï no ma tumina andajka.

Dibuju de na enga pakaraaka Warwick:

  1. Taieri para trokechani uántani

  2. Estasionamientu para ima engaksï niuaka miiuni

  3. Edifisiu mantenimientueri ka estasionamientu para ima engaksï jima irekaaka

  4. Edifisiu para irenhani B

  5. Edifisiu para irenhani D

  6. Edifisiu para irenhani C

  7. Edifisiu para irenhani A

  8. Edifisiu para ofisinecha ka para familia Beteli úrani

6 de maiu 2015 (Warwick)

Ánchikuarhiri ma prepararikuarhixati para inchamani lagurhu Sterling Forest (Blue Lake) aparatu ma enga marhuauaka para no inchanheni basura jimesïsï enga itsï iorheaka.

6 de maiu 2015 (Edifisiu mantenimientueri ka estasionamientu para ima engaksï jima irekaaka)

Ánchikuarhirichaksï máru sementu atanharhitaxati (hormigón) bardecharhu engaksï asotearhu jaka, edifisiurhu enga mantenimientuerika. I ánchikuarhita sánderu sóntku úkuarhisïndi ka eska jima jeuetani jarhani sementu.

15 de maiu 2015 (Warwick)

Fotu pʼitajpiti ma enga Departamentu de Dokumentasionirhu ánchikuarhijka, fotuechani máru pʼitaaxati konstruksioniri. Grupu enga Orhejtsïkuajka iámindu kúnguarhikuechani Jeobaeri testiguecheri exeasïndi fotuechani mándani semana para exeni na enga nirani jaka konstruksioni.

30 de maiu 2015 (Tuxedo)

Temungurhiri ma engaksï sur de California uératini juka, jurhastiksï para jarhuajpeni Departamentu de Plomeriarhu (fontanería). Íksï, imecha jingoni kuenta úkuarhesïrendi engaksï xáni uánikua niárapka imani jurhiatikua jini Tuxedo, jima enga niáranhajka para nirani ánchikuarhini Warwick. Jurhiatikua 1 de agostuni, niárasptiksï 707 jimbanhi ánchikuarhiricha, ma ambe enga no méni úkuarhini japka.

9 de juniu 2015 (Edifisiu para irenhani B)

Empresarhu anapu ánchikuarhirichaksï máru engaksï no Jeobaeri testigueka, úraxatiksï grúa ma para karhatani ka jatsikuni paredi ma. I jindespti últimu edifisiu para irenhani engaksï jatsikuapka paredichani sementueri ka bentanechani.

16 de juniu 2015 (Edifisiu para irenhani C ka D)

Empresa ma, jatsikuxati puentini ma enga marhuauaka para úni parhikuni edifisiu C uératini a edifisiu D.

25 de juniu 2015 (Edifisiu para irenhani C)

Ima engaksï jardinirhu ánchikuarhijka pastuksï jatsintskaxati ladu oesterhu.

2 de juliu 2015 (Warwick)

Ánchikuarhirichaksï máru sési úntaxati kanalini para itsï iorheni, enga marhuajka para itsï jatakua sési ánchikuarhini. Estruktura enga uénani jámani únhapka, uéxurhini 1950 únhaspti. Ka jimboka iásï kʼérati ka no sési janisïnga, i ánchikuarhita marhuauati para itsï no inchani edifisiuecharhu engaksï Warwick jaka ka ni besinuechani inchakuani.

15 de juliu 2015 (Edifisiu para irenhani A)

Para no xáni uánikua jánhani jarhani ánchikuarhitarhu, máru ánchikuarhitecha engaksï incharini úkuarhipiringa, komueska atarhentani ka tuberia jatsikuni, chúrikuaksï únhaspti. Imani jurhiatikuechani enga segundu turnu ánchikuarhinhapka, uánikua jarhuajpirichaksï desde las tresi de la tarde asta las dosi de la maniana jamberi ánchikuarhispti.

20 de juliu 2015 (Edifisiu para irenhani D)

Ánchikuarhiri ma enga ekipu HVAC (calefacción y refrigeración) jimbo ánchikuarhijka, jorhendaxati imeri kompanierani ma tubuechani irhiparhakuani.

21 de juliu 2015 (Edifisiu para irenhani B)

Atarhentaxatiksï puentini ma enga jindeka para edifisiurhu B uératini parhikuni a edifisiu mantenimientueri.

27 de juliu 2015 (Tuxedo)

Uánikua ánchikuarhirichaksï estasionamienturhu ma erokuarhixati paraksï Warwick pánhani. Ka úranhasïndiksï máru autobusicha paraksï paani ánchikuarhirichani.

27 de juliu 2015 (Tuxedo)

Kuinaaxatiksï tanimu Warwick anapu ánchikuarhirichani. Pelukeriecharhu engaksï Tuxedo jaka jini Warwick ka almacen de Montgomery jimbo, kuinanhasïndiksï jukari kuatrosientu mándani semana.

3 de agostu 2015 (Warwick)

Jima enga yasimiento geotérmico jaka, péranhasïndiksï moldecha para sementu jatsirani. Únhastiksï 120 posuecha engaksï 150 metru (500 pies) jauanheka ka íksï úsïndi eska jorhepekuarhiaka ka tsʼirakuarhini. Energia geótermica, úsïndi eska no xáni úrakuarhiaka tumina ka eskaksï edifisiuecha no xáni kontaminariuaka echerini.

7 de agostu 2015 (Montgomery, Nueva York)

Ixú janosïndi ima ambe enga kurhajkuarhinhajka, engaksï ísï péranhajka seguni eska para náki ánchikuarhiteuaka engaksï Warwick únhani jaka.

14 de agostu 2015 (Tuxedo Park, Nueva York)

Temungurhiri ma enga Warwick ánchikuarhijka (enga jurhijkandani ladu jaka) tʼirexati familia ma jingoni. Uánikua familiecha engaksï Jeobaeri testigueka íntsaxatiksï ospedaje imechani engaksï jarhuajpini jaka ini ánchikuarhitarhu.

17 de agostu 2015 (Edifisiu mantenimientueri ka estasionamientu para ima engaksï jima irekaaka)

Pirenchi ma enga jarhuajpijka, exexati nivel topográfico ma jingoni enga automatikueka na xáni desnibeli jarhaski.

20 de agostu 2015 (Edifisiu para ofisinecha ka para familia Beteli úrani)

Kʼamarastiksïa jatsikuani bentanechani jima enga jindeka para erokaani imechani engaksï niuaka miiuni.

26 de agostu 2015 (Warwick)

Maiu uératini a agostuni, jatsikuastiksï paredichani konkretueri ka techuni últimu edifisiuni para irekanhani, edifisiu B. Ka kʼamaranhastiksï iámindu puenticha para úni xanharanhani iámindu edifisiuecharhu ka uénasti ánchikuarhinhani uérakua anapu jardinicha jingoni.

PARAJTSÏ SÁNDERU MÍTINI

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Néskichi Jeobaeri testiguecha?

¿Mítiaskijtsï Jeobaeri testiguechani? ¿Na xánijtsï meru mítiski juchari ambe?