Exeni ambe enga jataka

Segundu menu jimbo nirani

Jeobaeri testiguecha

Purépecha

Fotuecha Filipinas anapu 1 (febreru 2014 anapu asta maiu 2015)

Fotuecha Filipinas anapu 1 (febreru 2014 anapu asta maiu 2015)

Jeobaeri testiguechaksï uáxati ka sési jájkuantani edifisiuechani engaksï sukursalirhu jaka jini Filipinas, Quezón City. Bibliaeri publikasionichaksï engaksï ini paisirhu úrakuarhijka, imprimirikuarhixatiksï Japón anapu sukursalirhu. Ísï jimbo, edifisiu nani enga imprenta japka ménderu únhantaxati para jima péranhani Departamento Local de Diseño ka Construcción (LDC), ka departamentuecha de Komputasioni, Mantenimientu, Traduksioni, ka Departamentu enga publikasionichani axaajka. Íksï fotuecha xarhatasïndi máru ánchikuarhitechani engaksï úkuarhika jima enga imprenta japka ka máteru edifisiuecharhu febreruni uératini de 2014 asta maiu de 2015. Eratsikata jarhasti eska i ánchikuarhita kʼamarakuarhiaka oktubrini de 2016.

Fotu de na enga pakaraaka sukursali Filipinas anapu. Ariksï jindesti edifisiuecha engaksï únhani jaka o sési jájkunhantani:

  • Edifisiu 4 (Para irenhani)

  • Edifisiu 5 (Departamentuecha enga Eianhpikuani exejka ka Audiu ka Bideueri)

  • Edifisiu 6 (Departamentuecha Jardineriaueri, Soldaduraeri ka Taieri para trokechani uántani)

  • Edifisiu 7 (Departamentuecha de Komputasioni, Mantenimientu, Traduksioni, ka Departamentu enga publikasionichani axaajka ka LDC)

28 de febreru 2014 (Edifisiu 7)

Ánchikuarhiricha engaksï máru jurhiatikuechantku nirajka, jatsiraxatiksï bolsecharhu aislanteni enga fibra de bidriuerika para no kuakani. Úraxatiksï xukuparhakua ka ekipu paraksï no atsïmerhekuarhini ini materiali jingoni.

2 de abrili 2014 (Edifisiu 7)

Kʼamarasïndiksï ójchatani jima engaksï publikasionicha grabarikuarhiaka lenguaje de seniasi filipinu jimbo. Jima enga pʼorhoncheka, jatsikuatiksï kalefaksioni ka para tarhiata tsʼirapiti uérani enga uétarhiaka para úni eska iápuru estudiurhu mísmu temperatura jauaka.

21 de oktubri 2014 (Lugari ma enga ánchikuarhinhani jaka jini Quezón City)

Jarhakuxatiksï paraksï inchaskuni aparatu ma enga arhinhajka sistema centralizado de enfriamiento de agua, enga uáka eska iápuru edifisiuecharhu jauaka itsï.

19 de disiembri 2014 (Puenti ma para kʼuiripuecha engaksï edifisiuecharhu niárajka 1, 5 ka 7)

I puenti ójtsïtakuarhitini jauati ka uátiksï máteru edifisiuecha jingoni niárani engaksï sánderu úrakuarhijka, enga jindeka edifisiu 1, nani enga komedori jaka. Puenti kánikua marhuakuauati imani jukari tresientu ánchikuarhirichani engaksï no ma tumina andaparini ánchikuarhijka edifisiu 7.

15 de eneru 2015 (Edifisiu 5)

Grúa ma enga 50 tonelada kʼuetsapika, tarhataxati plakechani tejadurhu anapu. Ánchikuarhiricha jima anapu empresecheri, mámaru járhati grúechanksï manejariuasïndi.

15 de eneru 2015 (Edifisiu 5A, enga ma ladu jaka)

I edifisiu tsimani pisueri ka enga 125 metros kuadrados kʼéka (1,345 pies cuadrados), tsimani baniuechani jukasti, eskalerecha ka elebadori ma. Enga ísï tsimani baniuechani jukaaka ka eskalerechani, úsïndi eska sánderu kóndeaka edifisiu 5, enga ma ladu jaka. Ístu, enga ixú jatsikunhani jaka elebadori enbesi de edifisiu 5, úsïndi eska no xáni no sési kurhaakuarhiaka ka ójkutaani imechani engaksï grabarini jarhajka audiu ka bideuecherini.

15 de eneru 2015 (Edifisiu 5A, enga ma ladu jaka)

Kʼumanchixatiksï tsánderi, ánchikuarhirichaksï bariiechani jatsikuaxati. Eneruni, jurhiakua 29 grados centígrados (84°F) aparhekuarhisïndi ka abrilini sáno 34 grados centígrados (93°F).

5 de marsu 2015 (Edifisiu 5)

Ánchikuarhirichaksï máru, úxati eska tejadu sánderu uinhapiti jauaka, bigaechani máru jatsikuparini chkariri. Edifisiu 5 úrakuarhistiksï sáno ochosientu tablonicha engaksï uiuinharhaka chkariri.

17 de marsu 2015 (Edifisiu 5)

Ánchikuarhirichaksï sementu (hormigón) jeuetaxati. Ima engaksï jarhuajpini jaka ini ánchikuarhitarhu, jukari sienistiksï engaksï ánchikuarhijka no ma tumina andaparini ka engaksï arini paisirhu anapuechani jimbo juka: Australia, Canadá, Corea del Sur, España, Estados Unidos, Francia, Japón ka Nueva Zelanda.

25 de marsu 2015 (Edifisiu 5)

Ójtsïtaxatiksï edifisiu 5 lámina tiámueri jingoni, nani enga antesi Departamentu de Traduksioni japka. I edifisiu ménderu únhantaxati para jima péranhani Departamentuecha enga Eianhpikuani exejka ka Audiu ka Bideuerini.

13 de maiu 2015 (Edifisiu 5)

Pirenchi ma, sierra ma úraxati para tiámuechani kachukuani, nani engaksï úrakuarhiaka para ofisinechani arhunhantaani.

PARAJTSÏ SÁNDERU MÍTINI

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Ambe únhasïni sukursali ma jimbo Jeobaeri testiguecheri?

Iámindu ima enga uékajka, úsïndi nirani exeni na engaksï ánchikuarhijka juchari sukursalicha. ¡Pʼímarhisïngaksïni parajtsï ísï úni!