Exeni ambe enga jataka

Segundu menu jimbo nirani

Jeobaeri testiguecha

Purépecha

Ambe enga xáni úkuarhini jaka Wallkill ka Warwick

Ambe enga xáni úkuarhini jaka Wallkill ka Warwick

Iásï, Jeobaeri testiguechaksï uáxati tsimani kʼérati konstruksionichani engaksï kánikua marhuauaka Nueva York (Estados Unidos). Inde ánchikuarhita sóntku úkuarhixati, jimbokaksï uánikuecha engaksï máteru paisicharhu anapueka jurhaska jarhuajpini no ma tumina andaparini.

Wallkill. Íksï edifisiuecha jindesti nani engaksï imprimirinhajka publikasionicha Jeobaeri testiguecheri ka úsïndiksï irekani 1,600 kʼuiripuecha. Kʼuiripuecheri jarhuajperata jingoni engaksï no ma tumina andajka, únhaxati edifisiu ma para ofisinecha ka máteru para irenhani, tsimarhanksï tanimu pisueristi ka estasionamientu ma jingoni. Uéxurhini 2012 jimbo kʼamarakuarhistia ma edifisiu para equipu tekniku ka sánderu kʼéri únhantasti komedori paraksï úni jatanheni máteru 200 kʼuiripuecha.

Jeobaeri testiguechaksï jatsiasti sukursalichani o lugarichani nani enga uératini exenhajka ánchikuarhita, uánikua paisicharhu, komueska Alemania, Brasil ka México. Estados Unidos, jini Nueva York, Jeobaeri testiguechaksï ístu jatsiasti ofisinechani jini Brooklyn ka ístu lugari ma enga jorhentpinhajka jini Patterson. Enga na sánderu kʼéri únhantaakia Wallkill, i jindeuati sánderu kʼéri sukursali Jeobaeri testiguecheri enga jauaka iámu parhakpinirhu.

Warwick. Ixú únhaati jimbanhi sede mundiali Jeobaeri testiguecheri. Iámuksï xereantastia edifisiuechani engaksï jima japka. Ístu piánhasti echeri ma jini Tuxedo, enga a 10 kilometru (6 millas) jaka, para mákinechani patsaani ka materiali. Juramutichaksï jiókuarhistia dokumentuni enga arhijka nénaksï uá ambe ma para no xáni no sési úkuni echerini. Engaksï na aprobariuakia planuni o na enga pakaraaka, uátiksï kurhajkuarhini permisuechani para konstruirini. Peru mientrasi, sede mundiali útasï Brooklyn jauati.