Exeni ambe enga jataka

Jeobaeri testiguecha

Erakuni idiomani Purépecha

Nóteruchi jusgarpisïngia

Nóteruchi jusgarpisïngia

Jeobaeri testiguechachi jorhenguarhiskia eska Tata Diosï no nemani eraerapkusïnga nani uéjki anapueni (Ukuecha 10:34, 35). Bibliarhu anapu jorhentperakua jimbo, jarhuataasïngachi kʼuiripuechani paraksï kénditani imani ambe engaksï eratsenga máteruecheri komueska xarheni jusgarpini.

Ístuchi, no ma grupuni apoiarisïnga enga ikiakuajka máteru iretechani o kʼuiripuechani engaksï máteru nani ísï anapueuaka oksï máteru kolorini. Ejemplu ma, imani jurhiatikuechani enga nasismu japka, Jeobaeri testiguecha engaksï Alemania irekapka ka ístu máteru paisirhu anapuecha nóksï uékaspti apoiarini Hitleriri kampaniani paraksï no sési úkuani máteruechani. Ini ambe jimbo uánikua kʼuiripuechaksï tsïtaspti tsípikuani.

Ístu sáno májkueni úkuarhispti enga uándikperanhani japka Ruanda, uéxurhini 1994 jimbo. Jeobaeri testiguechaksï no apoiarispti ini uándikperakuani. Máruksï sáno uarhispti ka máruksï uarhispti, jimbokaksï uékaspka kuájchakuani imechani engaksï sïpakuarhini japka imani no sési jásï uándikperakuarhu.

Ambe engachi jucha uékajka, jindesti jarhuataani iámu Parhakpinirhu anapu kʼuiripuechani ka jimbochisï petajka ka etsakuani Bibliarhu anapu publikasionichani uánikua idiomecha jimbo. Iásï, kʼuiripuecha engaksï “iámindu nasionicharhu ka iámindu tribuecharhu ka iretecharhu anapu[eka] ka engaksï táchani jásï idioma” uandajka sésiksï pʼikuarherasïndi juchari kúnguarhikuecharhu (Jaŋaskuecha [Apocalipsis] 7:9).