Exeni ambe enga jataka

Segundu menu jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka pámbitaasïndi uánikua sapiichani eskuelarhu

Juchiti libru enga Bibliaeri ambe uandajka pámbitaasïndi uánikua sapiichani eskuelarhu

Libru enga arhinhajka Juchiti libru enga Bibliaeri ambe uandajka uérasti 2012 jimbo Filipinas anapu idioma ma jimbo enga arhinhajka pangasinán, ka enga sésika para Departamento de Educación inde paisirhu anapu, enga uandaka eska eskuelarhu, klasichaksï jatsiska para indeni idioma jimbo íntspinhani engaksï alumnuecha uandajka. Iásï, i libru uánikua sapiichani marhuakuaxati.

Filipinas, jukari 100 idioma uandanhasïndi, ka iónksï arhijperastia náki idioma jatsiski para úranhani para eskuelarhu jorhentpinhani. Departameto de Educación kuranguspti 2012 jimbo eskaksï sapiicha engaksï jorhendanhajka “ima idioma jimbo engaksï kʼumanchikuarhu uandajka [...] sánderuksï sési jorhenguarhisïnga ka sóntku”. Ísï jimboksïsï juramuticha uaxastati programa ma jorhenguarhikueri uánikua idioma jimbo enga úrajka idiomecha engaksï alumnuecha uandajka.

Idioma ma enga erakunhapka para eskuelarhu jorhentpinhani jindespti pangasinán. Peru eska na uandapka eskuelarhu anapu direktori ma, problema ma jarhaspti: nóksï uánikua publikasionicha jarhaspti ini idioma jimbo. Ísï jimbo, Juchiti libru enga Bibliaeri ambe uandajka uérasti enga meru uétarhini japka, jimboka kʼéri tánguarhikua Jeobaeri testiguecheri ma jimbo uéraska nobiembrini 2012.

Diesmili libruechaksï imprimirikuarhisti para etsakunhani indeni kʼéri tánguarhikuecharhu. Sapiicha ka ístu táticha, kánikuaksï tsípispti engaksï intsïnhapka ini libruni imecheri idioma jimbo. Temungurhiri ma uandasti: “Juchari sapiichaksï kánikua tsitisïndi jimboksï úsïnga sési kurhanguni”.

Ísï tátsekua enga na nitamapkia kʼéri tánguarhikua, máru Jeobaeri testiguechaksï paaspti imecheri libruechani Juchiti libru enga Bibliaeri ambe uandajka, eskuela ma jimbo enga Dagupan jaka. Maestruechaksï kánikua uékaxapti jatsiani publikasionichani pangasinán jimbo, jimboksïsï kánikua tsitipti ini libruni. Eskuela jukari 340 libruechani kurhajkuarhiaspti, ka jirejiresïksï úndaspti úrakuarhini paraksï jorhendaani sapiichani arhintani imecheri idioma jimbo.

Jeobaeri testiguechaksï kánikua sési pʼikuarherasïndi enga i libru marhuani jaka para jorhendaani sapiichani. Traduktori ma enga jarhuajpika ini libruni úni, uandasti: “Iónistia engachi kurhanguka eska kánikua jukaparhakueska uáni publikasionichani imani idiomecha jimbo enga kʼuiripu uandajka, enga mintsitarhu niárakuajka. Jimbochisï Jeobaeri testiguecha xáni jánguarhintajka tradusirini Bibliani ka Bibliarhu anapu publikasionicha uánikua idiomecha jimbo”.