Exeni ambe enga jataka

Segundu menu jimbo nirani

Jeobaeri testiguecha

Purépecha

Jarhuajperata para imecha engaksï ónhakata jaka

Jarhuajperata para imecha engaksï ónhakata jaka

Pauani pauani, uánikua kartechanksï axaasïndi Jeobaeri testiguecheri sukursalicharhu, imecha engaksï ónhakata jaka kʼataperakuarhu jini Estados Unidos, paraksï jarhuajperata kurhakuani Tata Diosïri ambe jimbo.

Paraksï mókuantani ini kartechani, uásïndiksï arregluechani parakaksï kúnguarhikuecha engaksï jimesïsï anapueka niuaka pʼorhembiani ka jorhendaani Bibliaeri ambe. Nirasïndiksï kʼataperakuecharhu, kʼataperakuecheri ospitalicharhu, jima engaksï tumbiicha ónhakata jaka ka sentro de reabilitasionicharhu.

Máru kʼataperakuecharhu, úkuarhisïndiksï tánguarhikuecha engaksï kúnguarhikuecharhu úkuarhijka. Ejemplu ma, diskursurhu ma enga nitamataranhapka tsimani ekuarhuecharhu engaksï kʼataperakuarhu ma jaka, nirasptiksï 32 kʼuiripuecha.

Inde ambe enga úkuarhini jaka kánikua sési ueraxati. Kʼataperakuarhu ma enga Indiana jaka, achati ma arhinhaspti eska onhanhapiringa para méntkisï jimboka uándikpispka, iásï uánikua mojtakukuechani uástia imeri irekuarhu ka itsï atakuarhestia komueska Jeobaeri testigu.

Jeobaeri testigu ma enga jorhendapka Bibliaeri ambe achatini ma enga ónhakata japka kʼéri ma kʼataperakuarhu jini California, uandaspti estudiantiri ambe: “Kánikua sési mítiska na enga jásïpka orhetku ka exeskia na enga orhepani uerani jaka. Jatsispti para uánikua ambe mójtakuni para úni itsï atakuarhini”.

Uánikuechaksï uékasti jorhenguarhini Bibliaeri ambe, mítiparini eskaksï indeni ambe jimbo úpiringa no sési úkuarhinchani. Máru engaksï pandiia ma jingoni jámaenga, támu peeranhaspiksï o máteru naniksï móskunhani para úni kuájchakunhani imecheri tsípekuani.

Bibliaeri uinhapikua para mójtakuani tsípikuechani ísku pakataasïndi ofisialichani engaksï kʼataperakuarhu ánchikuarhijka. Ka ini ambe jimbo, máru Jeobaeri testiguechaksï intsïnhasti premiuechani o sertifikaduechani imecheri ambakiti ánchikuarhita jimbo ini kʼataperakuecharhu.