Kʼérati janikuechaksï úspti eska Europa central iorhentperakua ma japiringa juniuni de 2013 jimbo. Riu Danubio enga iámu Hungría ísï nitamajka, niáraspti kánikua itsï jatani ka i ambe no méni úkuarhixapti.

Exeparini i ambe, Ministerio de Recursos Humanos imani paisirhu anapu, kurhakuaspti Hungría anapu Jeobaeri testiguecheri sukursalini eskaksï jarhuatapiringa gobiernuni úni ambe enga xáni uétarhipiringa para jarhuatani iretani. Ka sukursali, kurhakuaspti Jeobaeri testiguecheri kúnguarhikuechani engaksï riu Danubiorhu no iauani ísï japka, eskaksï jarhuajpepiringa imani arregluecha jingoni engaksï jima anapu juramuticha uápka para jarhuajpeni.

Kúnguarhikuechaksï sóntku úspti ambe ma. Uánikua jurhiatikuechani jimbo, jukari 900 Testiguecha 72 kúnguarhikuecheri, jarhuajpesptiksï paraka riu no tsïmepiringa. Arhiasptiksï eskaksï jukanhepiringa tarjeta ma imecheri nombri jingoni, siudadi ka uandakuecha jingoni Jeobaeri Testiguecha.

Siudadi ma jimbo, representanti ma de la Cruz Roja Húgara ini ambe arhispti kúnguarhikuani ma: “Kánikuaksïni respetarisïnga ka diosmeiamukua arhini. Nochi pauani pauani exesïnga kʼuiripuni enga xáni májku kʼéri jaka komueska cha ka engaksï jingontku jarhajka para jarhuajpeni. Ka nochi uáka mirikurhini eskaksï uánikuecha iauani uératini jurhaska. Kánikua tsitisïnga arhiani iretarhu anapuechani eskajtsïni cha ambakiti ejemplu ma íntskuska”.

Ístu, niáraspti sukursalirhu karta ma enga kúnguarhikueri presidenti ma axapka enga jarhuatajka imechani engaksï no sési úkuarhinchajka, ka enga ánchikuarhijka Parlamento de Hungría jimbo, imani karta jimbo, diosmeiamukua arhiasïrendi Jeobaeri testiguechani imecheri ambakiti ánchikuarhitani jimbo.