Exeni ambe enga jataka

Segundu menu jimbo nirani

Jeobaeri testiguecha

Purépecha

Bomberu ma enga no ánchikuarhini japka jarhuataasïndi máru kʼuiripuechani paraksï no uarhini

Bomberu ma enga no ánchikuarhini japka jarhuataasïndi máru kʼuiripuechani paraksï no uarhini

Domingu 5 de eneruni de 2014, Serge Gerardin autobusi ma jimbo niraxapti Jeobaeri testiguecheri kʼéri tánguarhikuarhu ma París (Francia) no iauani, enga exepka no sési jásï aksidenti ma. Ima uandantasïndi: “Karru sementueri barda jingoni chokarispti enga puentini pʼínguenga ka iauani káreraspti. Ka tátsekua puenti jingoni chokarispti, uénaspti kurhini ka menonhakuarhispti”.

Serge, enga bomberuecheri kapitanika ka enga jukari kuarenta uéxurhini ánchikuarhikia, sóntku úspti ambe ma. “Nájkirukachi máteru ladu jimbo nirani japka —miántasïndi—, arhispka choferini eska anhaxustapiringa autobusini, kétsispka ka uiriispka andarherani karruni enga kurhini japka.” Serge kurhaaspti nemani enga uinhachani japka: “¡Jarhuatajtsïni je!”. Ima seguirisïndi uandantani: “Traje ka korbata jukarixapka ka no kámasïrenga bomberueri ekipu. Peru engani kurhaapka eska nema uinhachaxapka jarhuajperata kurhajkuarhini, exespka eskani útasï úpiringa nemani jarhuatani”.

Enga niárapka karrurhu, Serge exentaspti kʼuiripuni ma enga no jánhaskenga ambe enga úkuarhini japka ka kénditaspti jima uératini. “Arhisptirini eskaksï útasï tsimani kʼuiripuecha jima jatanhetixapka —ísï uandantasïndi Serge—. Enga i ambe úkuarhini japka, uánikua kʼuiripuechaksï anhaxurhisptia, peru chpiri no jurajkuasïrendi paraksï úni ambe ma.”

Máru choferichaksï extintorichani máru juáspti, ka ísï tátsekua enga Serge arhiapka ambe engaksï jatsipka para úni, úraasptiksï extintorichani ka pátasptiksï ma ratu chpirini. Choferi katsinhetixapti, jimboksïsï Serge ka máteru kʼuiripuecha tarhatapti karruni ka antsitapasptiksï achatini asta jima pérani enga seguru japiringa.

Serge seguirisïndi uandantani: “Ka ménderu uéntaspti kurhini.” Peru máteru kʼuiripu útasï karrurhu jatarixapti sinturoni jukarini. Motu jatari ma enga xukuparhakua kuerueri jukapani japka ka enga ístu bomberuepka, andaparhakueraspti para jarhuajpeni. Serge arhispti eska karru charaxamengia, ka eratsisptiksï mejori jupixukuparini kénditani imani achatini. Menusi de ma minutu tátsekua, engaksï na kénditapkia achatini, karru charaspti.

Engaksï niárapka bomberuecha ka kʼuiripuecha engaksï jarhuajpijka, jarhuataasptiksï imechani engaksï aksidentarikuarhipka ka ístuksï pátaspti chpirini. Serge ístu intsïnhaspti jarhuajperata, jimboka atakuarhispka ka kurhijkurhani. Enga na jatantapkia autobusirhu, máru kʼuiripuechaksï niraspti diosmeiamukua arhini imani ambe jimbo enga úpka.

Serge kánikua sési pʼikuarherasïndi imani ambe jimbo enga úpka. Ima uandantasïndi: “Responsabli pʼikuarheraspka Tata Diosï Jeobani japarini. Kánikua tsípixaka jimbokani úska jarhuataani imani kʼuiripuechani paraksï no uarhini”.