Exeni ambe enga jataka

Segundu menu jimbo nirani

Jeobaeri testiguecha

Purépecha

Jeobaeri testiguechaksï sánderu sóntku ambakintasïndi

Jeobaeri testiguechaksï sánderu sóntku ambakintasïndi

AUSTRALIA. Periodiku The Sydney Morning Herald enga uérapka 2 de oktubrini 2012, uandaspti: “Pasienticha Jeobaeri testiguecha engaksï internarinhajka ospitalirhu —engaksï no jiókuarhijka jatantani iurhiri relijioniri ambe jimbo— sánderuksï sóntku ambakintasïndi eska máteru pasienticha”.

Ístu, i periodiku arhisïndi ambe enga uandapka doktori James Isbister, Eskuela Medisinaeri Sydney anapu (Unibersidadi de Sydney): “Doktori Isbister uandaspti, eska tratamientu engaksï Jeobaeri testiguecha intsïnhapka doktoricha jimbo engaksï jánguarhintapka no xáni iurhiri tsïtani, sánderu sési jarhaspka. Ini ambe jimbo, pasientichaksï sánderu úspti tsinakuarhini ka no xáni ióni jarhani ospitalirhu ka niksï xáni kuidadu uétarhinchani eska máteru pasienticha engaksï jatsiranhantapka iurhiri jiáni engaksï operarinhani japka”.

No doktori Isbisterijkusï jindeeti enga ambakiti ambe uandapka. Rebista Archives of Internal Medicine 13 de agostueri de 2012, i ambe uandaspti imani Testiguecheri engaksï úminhapka operasioni ma mintsitaeri: “Testiguechaksï menusi problemechani jatsiaspti ka menusi tiempuksï jarhaspti ospitalirhu eska ima pasienticha engaksï jatsiranhantapka iurhiri”.