Exeni ambe enga jataka

Segundu menu jimbo nirani

Jeobaeri testiguecha

Purépecha

Sesenta jurhiatikuajkuksïsï jatsipti

Sesenta jurhiatikuajkuksïsï jatsipti

Biernesï 5 de juliuni de 2013, Anthony Morris, enga partiika de Grupu enga Orhejtsïkuajka iámindu kúnguarhikuechani Jeobaeri Testiguecheri, íntsaspti i ambakiti anunsiu Estados Unidos anapu familia Betelini: “Úskachia akuerdu ma para atarantaani seisi edifisiuechani engaksï xanharu Adams númeru 117 jimbo jaka ka xanharu Sands númeru 90 de Brooklyn. * I akuerdu arhisïndi eska edifisiuecharhu 1 a 5, nóteru ambe ma jatsikia para jarhani agostuni terojkani ísï i uéxurhiniri”.

Kánikua ánchikuarhita jarhaspti para úni. Jima engaksï i sinku edifisiuecha jaka sáno xáni kʼésti eska 11 kampuecha futboliri, engaksï úrakuarhijka para interu parhakpini anapu ekipuecha chʼanani. ¡Ka iámu ambe enga jima japka jatsispti para sesenta jurhiatikua jimbo kénditanhani!

Uánikua uéxurhini, edifisiuecharhu 1 a 5 imprenta ka enkuadernasioniri ambe jarhaspti, peru 2004 jimbo iámu i ambe móskunhaspti Wallkill (Nueva York).

Desde jiáni, edifisiuechaksï úranhaxapti komu taiericha ka komu ofisinarhu anapu mueblicheri patsaratarakua ka konstruksionirhu anapu materiali. Ístu, jimaksï patsanhasïrendi erramientecha ka mákinecha para konstruksioni engaksï Estados Unidos ka ístu máteru paisicharhu úranhenga.

Para úni iámu ambe petantani ini edifisiuecharhu jiáni jamberi enga uandakata japkia, uétarhisïrendi sési organisarikuarhini. Orheta, lista ma únhaspti iámu amberi enga edifisiuecharhu japka, paraksï exeni ambe atarantani, ambe kʼuanikuni ka ambe pakatani. Tátsekua, uásptiksï arregluechani para i ánchikuarhita sóntku úkuarhini ka sési.

Familia Beteli kánikua jarhuajpispti ini ánchikuarhitarhu. Ístu, pʼímarhinhasptiksï 41 jarhuajpiricha paraksï nirani Beteli. Íksï, Estados Unidos anapu estaduecharhu anapuespti. Sánoksï iámindu tumbichespti ka engaksï uinhapipka. Jiókuarhisptiksï jarhuajpini Beteli de seisi a diesi semana. Jatsisptiksï para jurajkuni familiani, amiguechani ka ánchikuarhitani. ¿Ka náksï pʼikuarheraspi i ánchikuarhitarhu?

Jordan, enga 21 jatiriika, estado de Washington uératini jurhasti. Ima uandasïndi: “¡Andisïni no antesi axapi juchiti solisitudini!”.

Steven, enga Texas uératini juka ka 20 jatirini, uandasti: “Ísï pʼikuarherasïnga eskani kʼéri ma familiarhu jarhaska enga kánikua ánchikuarhijka ka tsípikua jingoni”.

Justin, enga 23 jatiriika, karasti: “Ixú Beteli, ísïjtsïni pʼikuastasïni enajkini jucheni jaki. Kánikua sésisti imecha jingoni jarhani engaksï Jeobani marhuakujka jimbokaksï chíti amiguechesïnga ka uékasïndiksïni”.

Adler, Puerto Rico anapu ma enga 20 jatiriika, uandasti: “Para ji, ambe enga sánderu úkua jukapka jindespti xarheni jauarani; peruni uáni amiguechani uáska engaksï jindeuaka para méntkisï”.

William, enga 21 jatiriika, miásïndi: “Desde sapichku, uékasïrenga jurhani Beteli. Uénani jámani eratsisïrenga eskani no úpiringa ka eskani jandiajkuni pʼikuarherapiringa, peru no ísïsti. No ma ambe jarhasti enga ísïka eska Beteli. No úsïnga eranhaskani sánderu ambakiti lugari ma.”

Jimajkani, ¿úspi kʼamaranhani jiáni enga uandanhapkia? Jo. Ka sinkuenta i sinku jurhiatikua jimbojku kʼamaranhaspti.

^ párr. 2 Edifisiurhu para irenhani enga xanharu Sands númeru 90 jimbo jaka nótki uétarhiati petantani ambe ma, sino asta 2017 jimbo.

PARAJTSÏ SÁNDERU MÍTINI

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Ambeski Beteli?

Beteli ambakiti lugari máesti ka ambakiti ánchikuarhita ma úsïndi. Jorhenguarhi je imeecheri ambe engaksï jima ánchikuarhijka.