Exeni ambe enga jataka

Segundu menu jimbo nirani

Jeobaeri testiguecha

Purépecha

Máru Jeobaeri testiguecheri sukursalichaksï márku únhantasïndi

Máru Jeobaeri testiguecheri sukursalichaksï márku únhantasïndi

Para septiembri 2012, jukari beinte Jeobaeri testiguecheri sukursalichaksï márku únhantastia sánderu kʼérati sukursalicha jingoni, paraksï márku ánchikuarhini.

Ístu, jini Serbia ka Macedonia mítakuarhistiksï jimbanhi sukursalicha. Tsimani ambe jimboksï márku únhantaxati.

1. Teknolojia ústi eska no xáni úkua jukaaka ánchikuarhita

Últimu uéxurhinichani jimbo, sánderu ambakiti ambe úrakuarhixatia para imprimirinhani ka komunikarikuarhini, i ambe ústi eskaksï nóteru xáni uánikua erachicha uétarhiakia para ánchikuarhini máru sukursalicharhu. Ini ambe jimbo, sánderu kuartuechaksï jarhasti para imecha engaksï sukursali sapirhaticharhu ánchikuarhienga.

Iásï, grupu ma Testiguecheri engaksï sési jorhendakata jaka, jarhuajpisïndiksï programecha jingoni para Bibliaeri ambe jorhentpini uánikua paisicharhu. Ejemplu ma, iásï, México anapu sukursalirhu uératini exenhaxati ánchikuarhita aianhpikueri enga Costa Rica, El Salvador, Guatemala, Honduras, Nicaragua ka Panamá úkuarhini jaka. Ísï jimboksïsï míkanhatia sukursalicha ini seisi paisicheri.

Kuarenta Jeobaeri testiguecha engaksï indeni sukursalicharhu ánchikuarhienga móskunhastiksï México anapu sukursalirhu, ka sáno nobentaisinku, arhinhastiksï para úni ánchikuarhitani de eianhpini ambakiti eianhperakuani sáno pauani pauani imecheri paisirhu.

Ka máteruechaksï uénastia ánchikuarhini jima engaksï ofisinecha jauaka para tradusirinhani engaksï iámu Centroamérica jaka, ka enga México anapu sukursali exeni jaka. Ejemplu ma, jini Panamá, jarhastiksï sáno beinte Jeobaeri testiguecha engaksï tradusiriuajka juchari publikasionichani máru idiomechani jimbo engaksï jima uandanhajka. Ka enga Guatemala japka sukursali, iásïksï 16 Jeobaeri testiguecha jarhastia engaksï tradusiriuani jaka Bibliarhu anapu publikasionichani tʼámu idioma jimbo enga jima uandanhajka. Ima 300 kʼuiripuecheri engaksï sukursali de Centroamérica japka, útasïksï sáno 75 marhuaxati máru juchari sukursalicharhu.

2. Uétarhixaptiksï máru eianhpiricha para sánderu eianhpini

Engaksï ísï márku únhantaka máru sukursali sapirhaticha, uánikua eianhpiricha engaksï sési jorhendakata jaka ka engaksï jima ánchikuarhienga, iásïksï úsïndia sánderu eianhpini ambakiti eianhperakuani.

Ma Jeobaeri testigu jini África enga axanhapka para nirani eianhpini karaspti: “Primeru kutsïchani jimbo úkua jukaspti parani pʼindeni jima engani axanhapka. Peru pauani pauani eianhpini sésirini pʼikuastasïndi ka uánikua kóntperatechani jatsiaska engani no méni eranhaskapka. Iásï 20 kʼuiripuechani jorhendaasïngia Bibliaeri ambe, ka máruksï niraxatiia kúnguarhikueri tánguarhikuecharhu”.