Exeni ambe enga jataka

Segundu menu jimbo nirani

Jeobaeri testiguecha

Purépecha

Beteliri labanderiarhu jupanhasïndi desde kosina anapu paniuecha asta korbatecha sederi

Beteliri labanderiarhu jupanhasïndi desde kosina anapu paniuecha asta korbatecha sederi

Estados Unidos anapu Jeobaeri testiguecheri sukursalirhu, máru tatakecha ka nanakecha, úrasïndiksï tiempu ka uinhapikua para jupani mili ochosientu tonelada ísï takusï ma uéxurhini jimbo, tanimu edifisiuecharhu engaksï Brooklyn, Patterson ka Wallkill (Nueva York) jaka. Peru i kʼéri ma ánchikuarhitesti ka no jimboka xáni uáni takusï jupanhajka, sino jimboka xáni mámaru jásï ambe jupanhasïnga.

Mándani jurhiatikua jimbo engaksï ánchikuarhijka, ima engaksï Estados Unidos anapu sukursalirhu irekaka axasïndiksï jukari 11,000 takusï labanderiaecharhu, engaksï jindeka 2,300 kamisecha, 650 pantalonicha ka uánikua kamisetecha, kalsetinicha ka ropa interiori. Ístuksï máteru 900 ambe axasïndi tintoreriarhu.

Ístuksï uánikua sábanecha, tuaiecha ka mantecha jupanhasïndi, ístu meseruecheri uniformicha ka kosineri paniuecha. Ka jatsisti para iámu ambe jupanhani, kʼarhiranhantani ka íntspinhantani. Máru ambe komueska paniuecha montoni jimboksï jupanhasïndi, peru máteru ambe enga sánderu delikadueka, komueskaksï blusecha ka korbatecha sederi, mándani arhisïndiksï jupanhani.

Ima engaksï labanderiarhu ánchikuarhijka, mándani takusïksï rebisarisïndi paraksï exeni sini no karukurhiski o sinksï iámindu botonicha jukaski. Enga uétarhiaaka jatsikuntani botoni ma, úsïndiksï jájki jimbo jatsikuntani o mákina ma jimbo enga automatikueka. Ka enga uétarhiaka arreglarini takusï ma, imanksï pákusïndi enga jorhenaka arreglarini.

Para no ma takusï tsïnchini, mákina ma jatsikuasïndi etiketa sapichu ma enga kódigu de barrasi ma jukajka. I kódigu úsïndi eskaksï uáka utomatikamenti erakuntani takusï, paraka engaksï na limpiu ka planchadu jauakia uákaksï kuarturhu jurajkukuni dueniuni.

Ima engaksï sánderu ióni ánchikuarhikia labanderiarhu, jorhendaasïndiksï imechani engaksï sánderu jimbanhijka. Uátiksï asta beinti ambe jorhendani úni nemani enga apenasi jorhenguarhini jaka. Ma ambe enga ísï xarharajka eska no úkua jukaska, peru enga tiempu uétarhijka para jorhenguarhini, jindesti manchechani limpiariuani, jimboka uétarhisïnga sési mítini na jásï takusïski ka ambe úsïni engaksï likidu ma jatsikuaka o engaksï máteru ambe úkuaka.

Tajh, enga ma uéxurhini ka terujkani páni jakaia ánchikuarhini labanderiarhu, uandasïndi na enga jánhaskuarhejka jima: “Kánikua sési pájperanhasïndi; kánikua sési pʼikuarherakuarhisti ánchikuarhini uápuru ísï anapuecha jingoni”. Shelly, máteru ánchikuarhiri, uandasïndi: “Kʼéri ma kóntperatesti jarhuajpini paraka familia Beteli méntkisï limpiu jámaaka”.