Exeni ambe enga jataka

Segundu menu jimbo nirani

Jeobaeri testiguecha

Purépecha

Bisita ma exposisionirhu enga istoriaeri ambe uandantajka

Bisita ma exposisionirhu enga istoriaeri ambe uandantajka

Oktubrini uératini de 2012, imecha engaksï pʼorhembijka Jeobaeri testiguecheri sede mundialini jini Brooklyn (Nueva York), úsïndiksï exeni jimbanhi exposisioni ma. * I exposisioni xarhatasïndi na engaksï xáni úkua jimbo nitamapka, na engaksï xáni kʼérati tsʼéjkukuechani jatsiapka ka ambe engaksï úpka úni máru kʼuiripuecha engaksï kuájpienga kristianismuni ka namunitu uandakuecha jimbo uandantasïndi Jeobaeri testiguecheri istoria.

Tʼámu parti jimbo arhukukata jarhasti i bisita, peruksï májku kʼéri úkuarhintatixati raia ma jimbo enga ísï xarhatapajka ambe ma eska na úkuarhika desde uéxurhini 33 despuesi de Jesusi asta iásï jamberi. Mándani parti jukasti títulu ma enga Bibliarhu pʼitakata jaka ka bideu sapichu ma jingoni uénasïndi (inglesi jimbo jarhasti ka seisi idiomechani jimbo jukaasti subtituluechani: coreano, francés, italiano, japonés, portugués ka utusï).

Tʼámu particha

Primera partiri títulu jindesti —Jesusiri uandakuechestiksï engaksï Juanu 3:19 pʼitakata jaka— “Kʼuiripuecha sánderu jaiapanhintasti kápindikuani”. Biblia uandaspti eskaksï japiringa achaticha engaksï no sési úripiringa engaksï “nanterkueni” uandapiringa para enganiarini kʼuiripuni (Ukuecha 20:30). Raiarhu enga xarhatajka ambe ma eska na úkuarhipaka, uánikua pruebechaksï jarhasti ima no sési járhati úkuecheri engaksï ima achaticha úpka.

Segunda partiri títulu jindesti “Eramarhandikua” enga 2 Korintu 4:6 pʼitakata jaka. Seguni raia, i parti uénasti desde siglu XIX kʼamarhutanisï asta siglu XX uénanisï, antesi de Primera Guerra Mundiali. Ini partirhu xarhatanhasïndi istoria, máru achaticheri engaksï uénapka estudiarini Bibliani no ma ambe mítiparini. Ístujtsïni eiangusïndi na engaksï sánhani arhipka kurhanguni ambe ma ka na engaksï sánhani arhipka uánini.

Ini partirhu jarhasti ma parti enga jindeka para “Foto-Drama de la Creación”, enga kánikua mítikatepka imeri imajenicha koloriri jimbo. Uéxurhini 1914 jimbo, Estudiantes de la Biblia (engaksï ísï mítikatepka imani tiempu jimbo Jeobaeri testiguecha) uénasptiksï xarhatani ini presentasionini, enga uénga májku tiempu jimbo xarhataani imajenichani, pelikulechani ka sonidu. Máteru uéxurhinichani jimbo enga na uérapkia, uánikua kʼuiripuechaksï niraspti exeni. Exposisionirhu, jarhastiksï máru pintura orijinalicha engaksï úrakuarhipka ka jukari kinientu imajenicha koloriri, ístu bideu ma enga xarhatajka máru introduksioniri partichani.

Terseru partiri títulu jindesti “Dragoni kánikua ikiaspti”, enga pʼitakata jaka Jaŋaskuecha (Apocalipsis) 12:17. Xarhatasïndi na engaksï xáni no sési kánhapka uánikua kristianuecha siglu XX terujkani ísï ka uandantasïndi na engaksï no méni jurajkupka Jeobani imani tiempu jimbo enga guerra japka. Ejemplu ma, járhasti bideu ma de Remigio Cuminetti, Testigu ma enga no uékapka jukani Italia anapu uniformini ka uarhipeni Primera Guerra Mundialirhu. Máteru bideu uandantasïndi istoria de Alois Moser enga Australia anapuepka, enga tsïtapka imeri ánchikuarhitani ka enga pánhapka kampu de konsentrasionirhu jini Dachau, jimboka no uékaspka arhini saludu “¡Heil Hitler!”.

Kopia selderi ma enga pápjanhika marhuasïndi para pérani ima Jeobaeri testiguecheri fotuechani engaksï ónhanhapka imecheri jakajkukua jimbo máru paisicharhu komueska Grecia, Japón, Polonia ka Serbia.

Últimu partiri títulu jindesti “Ambakiti eianhperakua para iámindu kʼuiripuecha”, uandakuecha engaksï Mateu 24:14 jaka. Xarhatasïndi ambe engaksï xáni úkia Jeobaeri testiguecha desde 1950 uératini asta iásï jamberi. Uánikua fotuechaksï xarhatasïndi tanimu ambe Jeobaeri testiguecheri engaksï jimbo mítinhaka: na engaksï xáni sóntku uánipka, na engaksï xáni eianhpipka ka ambakiti uékperakua.

Ante de uéntani, ima enga nirajka miiuni úsïndi anhaxurhini pantaiecharhu para exeni Casa Bíblica ka Tabernáculo de Brooklyn, edifisiuecha engaksï jukari sieni uéxurhinikia engaksï úrakuarhika.

¿Andisï únha i exposisioni?

Uánikua kutsï ióndaspti únhani i exposisioni, ka ma uéxurhinksï ióndaspti uaani arregluechani. Iápuru ísï anapu Testiguechaksï axaspti máru ambe engaksï jukaparharaenga ka enga ióntki anapuepka, paraksï exposisionirhu péranhani.

¿Andisï xáni ánchikuarhinhapi? Engaksï kurhamarhipka máechakuani Grupueri enga Orhejtsïkuajka iámindu kúnguarhikuechani Jeobaeri Testiguecheri, andisï xáni jukaparhakuepi eskaksï Jeobaeri testiguecha pʼorhembipiringa ini exposisionini, ima mókuspti frase ma jingoni enga kánikua mítikateka: “Nori uáka mítini naniri nirasïni, engari no mítika naniri uératini jurhasïni”.

^ párr. 2 Mítakuarhitini jarhasïndi de lunesï a biernesï, de ochu de la maniana asta sinku jamberi inchatirueri, xanharu Columbia Heights númeru 25. No kobrarinhasïndi para inchani.