Exeni ambe enga jataka

Segundu menu jimbo nirani

Jeobaeri testiguecha

Purépecha

Bisita ma enga ma no méni mirikurhiaka

Bisita ma enga ma no méni mirikurhiaka

Mándani uéxurhini, uánikua kʼuiripuechaksï nirasïndi miiuni edifisiuechani engaksï Jeobaeri testiguecheri sede mundialirhu jaka ka ístu Estados Unidos anapu sukursalirhu, engaksï jini Nueva York jaka. Ini járhati edifisiuechani, Testiguecha ístuchi arhiasïnga Beteli, uandakua ma enga ebreurhu uéraka ka enga arhikuekajka “Tata Diosïri Kʼumanchikua”. Máru engaksï nirajka miiuni nóksï iauani irekasti, peruksï máru iauani uératini jurhasïndi. Uékasïndiksï exeni na engaksï únhajka publikasionicha ka na enga úkuarhijka juchari ánchikuarhita, oksï uékasïndi pʼorhembiani imecheri amiguechani engaksï jima marhuajka. Iásï sáni, jurhaspti kʼuiripu ma enga uandapka eska jatsispka para jurhani miiuani ini edifisiuechani.

Marcellus Jeobaeri testigu máesti enga Anchorage (Alaska, Estados Unidos) irekaka ka enga apenasi újka uandani, jimboka máru uéxurhiniskia enga parálisis cerebral ma pʼika ka iásï jatsistia para méntkisï siia de ruedas jimbo jámani. * Ísï jimbo, uétarhinchasïndi eska nema jarhuataaka ambe ma úni pauani pauani. Nájkiruka ini problemechani jatsiapka, uékasïrendi miiuni Beteli. Ka úspti ísï úni.

“No kuatantasïrendi —uandantasïndi Corey, imeri amigu ma enga jarhuatapka organisarini biajini—. Méntkurini uandajpani jarhasïrendi parani eianguni náksï niraxapi arregluecha para Beteli nirani. Jimboka Marcellus solu úsïnga uandani ‘jo’ ka ‘no’, jatsisïrenga para kurhamarhikuechani úkuani parani mítini ambe enga uékaenga.” Imecheri uandontskuarhita masomenosi arisïsïrendi:

—¿Uékasïniri eskani niuaka chéniu?

—No.

—¿Uékasïniri eskani uandajpaaka doktorini?

—No.

—¿Uékasïniri mítini náksï niraxaki arregluecha para Beteli nirani?

—Jo.

“Jimajkani jatsisïrenga parani explikarikuni nénaksï jarhaspi arregluecha —seguirisïndi uandantani Corey—. Exeni eska ima úska úni ambe enga xáni uékaenga, kánikuarini sési pʼikuastasti.”

Marcellus jatsispti para orhepani uérakuani uánikua ójkutakuechani. Jimboka no káni tumina jatsiska, jatsispti para tsimani uéxurhini aorrarini para meiampini biaji 5,400 kilometrueri (3,400 millas) para Nueva York niárani. Jimboka no úsïrenga jandiajku jánguarhini, jatsispti para jirinhani kompanieruni ma enga pámbitapiringa biajirhu ka enga úpiringa jarhuatani. Ka últimu, doktoriri permisu uétarhinchasïrendi para úni biajarini, úspti konseguirini ini permisuni máru jurhiatikuechani antesi de biajarini abioni jimbo.

Enga Nueva York japkia, Marcellus kánikua tsípispti enga miiuranhapka edifisiuecharhu engaksï Brooklyn, Patterson ka Wallkill jaka. Exeaspti kʼérati mákinechani engaksï imprimiriani japka Bibliaechani ka publikasionicha ka uánikua ambe jorhenguarhisti de enga organisadu jaka juchari ánchikuarhita. Ístu, exeaspti exposisionichani engaksï arhinhajka “La Biblia y el nombre divino” ka “Un pueblo para el nombre de Jehová”. Ístu, uánikuechani mítiaspti ka jimbanhi amiguechani uáspti. Sési jimbo, no méni mirikurhiati ini bisitani.

Uánikuechaksï no úsïndi uandakuecha jimbo uandani na engaminduksï pʼikuarherajka engaksï miiujka Beteli. Peru enga Marcellus kurhamarhinhapka sini sési úspi enga nípka miiuni Beteli, mókuspti: “¡Jo, jo, jo!”.

Engajtsï miiuska Beteli, jamberijtsï ísï eska Marcellus, uinhapintaaka cha ka chári familia. Jeobaeri testiguechachi jatsiaska sukursalichani interu parhakpinirhu ka tsípikua jingonchi erokaasïnga imechani engaksï uékajka miiuni. ¿Andijtsïnisï no pʼorhembijki chájtu?

^ párr. 3 Marcellus 19 maiuni de 2014 uarhisti, enga kʼamaranhani japkia i artikulu.

PARAJTSÏ SÁNDERU MÍTINI

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Ambeski Beteli?

Beteli ambakiti lugari máesti ka ambakiti ánchikuarhita ma úsïndi. Jorhenguarhi je imeecheri ambe engaksï jima ánchikuarhijka.

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Ambe únhasïni sukursali ma jimbo Jeobaeri testiguecheri?

Iámindu ima enga uékajka, úsïndi nirani exeni na engaksï ánchikuarhijka juchari sukursalicha. ¡Pʼímarhisïngaksïni parajtsï ísï úni!