Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

PÁJINA JW.ORG

Néna exentani informasioni idioma seniasi jimbo

Néna exentani informasioni idioma seniasi jimbo

Sáno iámindu informasioni idioma seniasi jimbo bideu jimboksï jarhasti. Ka uákajtsï exentani jima enga arhijka PUBLICACIONES. Jimajtsï uáka exentani libruechani, rebistechani ka uánikua máteru informasioni idioma seniasi jimbo. Uénakuarhu anapu pájina ka ístu máteru ambe ini pájineri jw.org tradusirikataksï jarhasti máru idiomecha jimbo engaksï seniasirika.

Parajtsï úni exentani informasioni idioma seniasi jimbo uákajtsï ini ambe úni:

 Erakuni idioma seniasiri ma

  • Metodu 1: Jaiaskuku je indeni botoni jimbo enga arhijka Erakuni idiomani parajtsï exeani idiomechani engaksï jaka jw.org jimbo.

  • Jaiaskuku je jima enga arhijka Idioma seniasi jimbojku exeni paraksï solu uerani idiomecha engaksï seniasi jimbo jaka.

    Ístujtsï uáka jima karani idioma seniasirini engajtsï jirinhani jaka. Xarharaatiksï idiomecha engaksï jukaaka imani letrani engajtsï cha karaaka.

  • Metodu 2: Jaiaskuku je indeni bínkulu jimbo enga arhijka “Bideuecha engaksï seniasi jimbo jaka” uénakuarhu anapu pájina jimbo. Ka jimini eraku je bideu ma listarhu anapu.

Enga pájina jw.org jimbo jauaka imani pájina engajtsï erakuka, jiájkani pájina mójtakurhiati imani idioma jimbo.

Pájinecha idioma seniasi jimbo engaksï pájina jw.org jimbo jaka, jukastiksï máru ikonuechani mándani seksioni o parti jimbo paraksï kándicha úni mítiantaani.

Indeni parti jimbo enga arhinhajka PUBLIKASIONICHA, nombricha máru particheri nóksï májkueni jarhasti. Ari jindesti ejemplu ma, máru pájinecha engaksï idioma seniasi jimbo jaka, inde parti enga arhinhajka KÚSTAKUA úpirindi ísï jarhani CANCIONES EN SEÑAS o CANCIONES EN LENGUAJE DE SIGNOS.

Ni je ima parti jimbo enga jataka ima ambe engajtsï jirinhani jaka ka exea je bideuechani jimini Internetirhu o késkuaua je.

Nirani jimini enga arhijka PUBLIKASIONICHA

 Nirani jimini enga arhijka PUBLIKASIONICHA > AMBE ENGA JAKA.

Eraku je idioma ma seniasiri listarhu. Peru jimboka inde lista uánikua idiomechani jukaaska, jamberi sánderu sési japirindi eskajtsï indeni kuadruni jimbo karapiringa idioma seniasirini. Ísï, solu imaksï idioma seniasiri ueraati engajtsï cha karauaka.

Engaksï no uánikua publikasionicha jauaka indeni idioma seniasiri jimbo engajtsï erakukia, iámindu publikasionichaksï indeni parti jimbo uéraati enga arhinhajka AMBE ENGA JAKA. Peru engaksï uánikua publikasionicha jauaka indeni idioma jimbo, márujkuksï publikasionicha jauati indeni parti jimbo enga arhinhajka AMBE ENGA JAKA. Parajtsï úni exentani sánderu publikasionichani indeni idioma jimbo, eraku je máteru parti pájineri (pori ejemplu, BIBLIA, LIBRUECHA KA FOIETUECHA o REBISTECHA).

Úrani aplikasioni enga arhinhajka JW Library Sign Language

Sési jauati úrani aplikasioni JW Library Sign Language ini ambe jimbo:

  •   Engajtsï cha meru uraaka bideuechani engaksï seniasi jimbo jaka.

  • Engajtsï uékaaka exeani bideuechani chári tabletarhu o telefonurhu engajtsï no jatsiaka Interneti.

  • Enga aplikasioni jauaka indeni idioma seniasiri jimbo engajtsï cha úrajka.

Parajtsï sánderu ambe mítini, ni je indeni parti jimbo enga arhinhajka jarhuajperata indeni aplikasioni jimbo JW Library Sign Language.