Nhlamulu ya Bibele

 Ina, hikusa Xikwembu xi lava leswaku vanhu va tlhangana leswaku va xi gandzela. Bibele li li: “A hi hlayisaneni leswaku hi tiyisana, hi rhandzana hi tlhela hi yendla mintirho yayinene, hi nga tshikeni ku tlhangana.” — Vaheberu 10:24, 25.

 Yesu a kombise swaku valandzeli va yena a va ta tlhangana va yendla ntlawa, nkama a nga vula leswi: “Hinkwavu va ta tiva swaku mi vadjondzisiwa va mina loko mi rhandzana.” (Yohani 13:35) Leswaku va kota ku kombisa lirhandzu leli, vadjondzisiwa va Yesu a va fanele va tlhangana ni Vakreste van’wani. Naswona a va ta vumba mabandla lawa a ma ta tlhangana nkama ni nkama swaku ma gandzela Xikwembu. (1 Vakorinto 16:19) Phela Vakreste lava, a va ta va vamakwavu amisaveni hinkwayu. — 1 Pedru 2:17.

Ku ni swin’wani swi lavekaka handle ka ku lumba ntlawa wa wukhongeli

 A Bibele li vula swaku vanhu va fanele va tlhangana swaku va gandzela Xikwembu, kambe lona a li vuli swaku munhu a nga tsakisa Xikwembu tsena hi ku va a lumba ntlawa wa wukhongeli, kambe leswaku a tsakeliwa hi Xikwembu a fanele a hanya hi leswi a swi djondzaka ka wukhongeli la yena. Hi xikombiso, a Bibele li li: “Wugandzeli leli nga basa hi ku ya hi Xikwembu lexi nga Papayi wa hina hi leli: Ku hlayisa vana lava kalaka va nga na vapsali ni vavasati lava nga feliwa hi vanuna va vona lava nga nhlomulweni, ni ku tshama na hi nga na xivati xa misava.” — Yakobe 1:27.