Nhlamulu ya Bibele

 Vanhu va vanyingi va tivutisa swaku kasi hi hanyela yini? Hi mhaka muni Xikwembu xi hi yendlile. Bibele la hlamula swivutiso leswi, li kombisa swaku Xikwembu xi hi yendlile swaku hi va vanghanu va xona. Tindzimana leti ti nga lani hansi ti nga ku pfuna ku vona swaku hi hanyela yini.

•   Xikwembu hi xona xi nga hi yendla. Bibele li li: “[Yehovha Xikwembu] hi yena a nga hi yendla naswona hi va yena.” — Tipisalema 100:3; Nhlawutelo 4:11.

•   Swilo hinkwaswu leswi Xikwembu xi nga swi yendla, xi swi yendle na xi swi tiva swaku xi swi yendlela yini, ku patsa na hina. — Esaya 45:18.

•   Xikwembu xi hi yendle na hi navela ‘ku va vanghanu va Xona’ hi tlhela hi lava ku tiva swaku hi hanyela yini. (Matewu 5:3) Xi lava hi swi tiva swaku hi hanyela yini. — Tipisalema 145:16.

•   Hambileswi vanhu va vanyingi va pimisaka swaku a swi koteki ku va vanghanu va Xikwembu, Bibele li li: “Tshinelani ka Xikwembu kutani na xona xi ta tshinela ka n’wina.” — Yakobe 4:8; 2:23.

•   Leswaku hi va vanghanu va Xikwembu, swi lava hi hanya hi ku ya hileswi Xikwembu xi nga hi yendlela swona. Ka Ekleziyaxta 12:13 Bibele li li: “Chava Xikwembu xa ntiyiso u tlhela u hlayisa minawu ya xona, hikusa leswi hi swona leswi munhu a faneleke a swi yendla.”

•   Ka nkama lowu taka hi ta swi twisisa kahle swaku hi mhaka muni Xikwembu xi hi yendlile loko xi ta helisa ku hlupheka xi tlhela xi nyika vanghanu va xona lava va xi gandzelaka wutomi la ku kala li nga heli. — Tipisalema 37:10, 11.