Swilo swa lisima swa ku fana ni movha kumbe yindlo swi lava ku hlayisiwa kahle. Swa fana ni wunghanu la hina ni Xikwembu. U nga yendla yini swaku u tama u hlayisa wunghanu la wena na Yehovha loko se u tsakamisiwile?

Ka nhlokomhaka leyi hi ta djondza hi leswi:

•  Tama u djondza Rito la Xikwembu

•  Tama u khongela ka Yehovha

•  Tama u vulavula ni van’wani hi leswi u kholwaka ka swona

•  Tama u va kona amintlhanganwini

 Tama u djondza Rito la Xikwembu

 Ndzimana ya Bibele: ‘Yendlani swaswinene naswona tamani mi va ni wutivi la ntiyiso hi Xikwembu.’ — Vakolosa 1:10.

 Leswi ndzimana leyi yi vulaka swona: Loko se u tsakamisiwile, swi lava u tama u lerha Bibele u tlhela u pimisa hi leswi u swi djondzaka. — Tipisalema 25:4; 119:97.

 Leswi nga ha tshukaka swi yendleka: Minkama yin’wani u nga ha godola ku djondza, funtshi swi nga yendleka u tibyela leswi: “Leswi swa ku djondza a hi swa mina”.

 Leswi u nga swi yendlaka: Pexkizara hi timhaka ta Bibele leti u ti rhandzaka. U nga tikarhatiseli, kambe tiyendleli programa la djondzo ya wena wexe leli u nga ta swi kota ku li fikelela. Khumbuka swaku lexi ku yendlaka u djondza i ku lava ku rhandza Yehovha ni ku ya u rhandza Rito la yena. Se loko u djondzisa xileswo u ta pfuneka funtshi u ta tsaka. — Tipisalema 16:11.

 Zama ku yendla leswi: Zama ku yendla djondzo ya wena ka ndhawu ya ku rhula na u nga kavanyetiwi hi nchumu. Loko u yendla leswo, u ta pfuneka hintamu ka djondzo ya wena.

 Loko u lava ku tiva swin’wani

•   Lerha tinhlokomhaka leti:

   “Bibele Li Nga Ni Pfunisa Ku Yini? — Xiyenge 2: Yentxa Ku Lerha Ka Wena Ku Tsakisa”

   “Como é que posso aprender a concentrar-me?”

•   Sixtira vhidiyo leli nge:

   Leswi Majovhem Man’wani Ma Swi Vulaka — Ku Lerha Bibele

•   Baxara:

   “Xiyimiso Xo Dyondza Bibele” (hi Xitsonga)

 Tama u khongela ka Yehovha

 Ndzimana ya Bibele: “Mi nga vileli hi nchumu, kambe ka hinkwaswu kombelani Xikwembu hi xikhongelo swaku xi mi pfuna, mi kombela na mi khensa.” — Vafilipiya 4:6.

 Leswi ndzimana leyi yi vulaka swona: Hi nga bula ni Xikwembu hi ku yendla swilo swimbirhi. Xa ku sungula, hi nga vulavula na xona nkama lowu hi khongelaka. Xa wumbirhi, hi nga yingisela leswi xi hi byelaka swona nkama lowu hi lerhaka Bibele. Loko u khongela u nga ha kombela Xikwembu leswi u swi lavaka u tlhela u xi khensa hi minkateko leyi xi ku nyikaka yona.

 Leswi nga ha tshukaka swi yendleka: Minkama yin’wani u nga ha vona swaku u phindha swilo swoleswi swa swin’we ka swikhongelo swa wena se u sungula ku tivutisa swaku indjhe Yehovha wa swi yingisa swikhongelo swa mina, kumbe wa swi lava ku swi tiva leswi ni lavaka ku mu byela swona. — Tipisalema 10:1.

 Leswi u nga swi yendlaka: Siku hinkwalu pimisa hi leswi u nga swi petaka ka swikhongelo swa wena. Se loko nkama wa ku khongela wu fika, kambe xiyimu xi nga ku pfumeleli ku va u yendla xikhongelo xa ku leha, vekisa swilo swoleswo leswaku u ta swi peta ka xikhongelo lexi u nga ta xi yendla hi nkama wun’wani. U nga tikhongeleli ntsena, khongelela ni van’wani ni leswi va swi lavaka. — Vafilipiya 2:4.

 Zama ku yendla leswi: Loko u karhateka u pimisa swaku u phindhaphindha swilo swoleswi swa swin’we ka swikhongelo swa wena, swi nga va kahle u khongela ka Yehovha hi mhaka leyi. Yena a lava u mu byela hinkwaswu leswi ku karhataka. — 1 Yohani 5:14.

 Loko u lava ku tiva swin’wani

•   Lerha nhlokomhaka leyi nge:

   “Hi Mhaka Muni Ni Fanele Ni Khongela?”

•   Baxara cartão leli:

   “Ndlela Yo Antswisa Swikhongelo Swa Wena” (Hi Xitsonga)

 Tama u vulavula ni van’wani hi leswi u kholwaka ka swona

 Ndzimana ya Bibele: “Tikarhateli ku va xikombiso xaxinene ni ku va mudjondzisi wamunene . . . loko u yendla leswo u ta pona u tlhela u ponisa ni lava ku yingisaka.” — 1 Timotiya 4:16.

 Leswi ndzimana leyi yi vulaka swona: Loko u bula ni van’wani hi leswi u kholwaka ka swona u ta va na u tiyisa lipfumelo la wena, funtshi loko u yendla leswo u ta kota ku ponisa wutomi la lava va ku yingiselaka u tlhela u ponisa ni wutomi la wena.

 Leswi nga ha tshukaka swi yendleka: Swi nga yendleka minkama yin’wani u godola kumbe u chava ku byela van’wani hi leswi u kholwaka ka swona. Leswo swi nga yendleka ngopfungopfu loko u li xikola.

 Leswi u nga swi yendlaka: U nga pfumeleli mimpimiso ya ku kala yi nga li yinene, ya ku fana ni ku chava yi ku tshikisa ku byela van’wani leswi u kholwaka ka swona. Pawulo a te: “Hambi ni nga chumayeli hi ku swi rhandza, na ha nyikiwile ntirho lowu.” — 1 Vakorinto 9:16, 17.

 Zama ku yendla leswi: Loko vapsali va wena va ku pfumelela, lavetela makwerhu wa xinuna kumbe wa xisati lweyi a nga ku pfunaka funtshi a nga xikombiso xaxinene ka ntirho wa ku chumayela. — Swivuriso 27:17.

 Loko u lava ku tiva swin’wani

•   Lerha nhlokomhaka leyi nge:

   “Ha Yini Ndzi Chava Ku Chumayela Van’wana?” (hi Xitsonga)

 Tama u va kona amintlhanganwini

 Ndzimana ya Bibele: “A hi hlayisaneni leswaku hi tiyisana, hi rhandzana hi tlhela hi yendla mintirho yayinene, hi nga tshikeni ku tlhangana.” — Vaheberu 10:24, 25.

 Leswi ndzimana leyi yi vulaka swona: Xivangelo lexi xi hi yendlaka hi ya mintlhanganwini i kuva hi gandzela Yehovha. Kambe mintlhanganu yi nga tlhela yi hi pfuna hi tindlela timbirhi. Ya ku sungula hi leswaku vamakwerhu va ta ku tiyisa. Ya wumbirhi, wena u ta tiyisa vamakwerhu hi ku va kona mintlhanganwini u tlhela u nyikela tinhlamulu. — Varoma 1:11, 12.

 Leswi nga ha tshukaka swi yendleka: Minkama yin’wani u nga ha pimisa hi swin’wani nkama lowu u nga mintlhanganwini, naswona leswo swi nga ku yendla u luza minchumu ya yinyingi leyi djondziwaka. Kumbexana minkama yin’wani u nga ha pimisa hi ku lovha mintlhanganwini kumbe u pfumelela swilo swa ku fana ni TPC kumbe swin’wani swi ku yendla u nga yi mintlhanganwini.

 Leswi u nga swi yendlaka: A TPC i la lisima, kambe u nga tshiki nchumu xi ku yendla u lovha mintlhanganwini. Handle ka leswo zama ku pfuneka ka mintlhanganu hinkwayu. Zama ku hlamula loko u li mintlhanganwini. Loko mintlhanganu yi gama, zama ku khensa vamakwerhu lava va nga va ni swiyenge kumbe u khensa makwerhu lweyi a nga nyikela nhlamulu leyi nga tiyisa vamakwerhu.

 Zama ku yendla leswi: Tilunghiseleli na ka ha li nkama. Baxara aplikativhu JW Library®, u ya lani ku nge “Reuniões” leswaku u vona leswi ku nga ta vulavuliwa hi swona ka ntlhanganu wun’wani ni wun’wani.

 Loko u lava ku tiva swin’wani

•   Lerha nhlokomhaka leyi nge:

   “Por que devo assistir às reuniões cristãs?”