Unu in sambung mu . . .

  • huun?

  • diˈ na?

  • marayˈ?

 UNU IN BAYTAˈ SIN KITAB

“Pahiran niya [Tuhan] in manga luhaˈ katān dayn ha mata nila. Iban wayruun na tau mapatay. Diˈ na in manga tau magdukka iban magtangis, iban wayruun na sakit nanamun nila.”—Piyanyataˈ 21:3 4, Kitab Injil.

UNU IN KARAYAWAN SIN INI KAYMU

Kahātihan natuˈ bukun in Tuhan in nagdihil kasusahan kātuˈ.—Yaˈkub 1:13.

Makakuyag na in Tuhan magparuli kātuˈ bang kita ha kabinsanaan.—1 Pitrus 5:7.

Makapangandul kita na in katān kabinsanaan hundungun na.—Kitab Jabur 37:9-11.

 MAGKAHAGAD BA TUUD KITA HA BAYTAˈ SIN KITAB?

Huun, ha duwa daawa:

  • Mabunsi in Tuhan ha kabinsanaan iban way-kaādilan. Kiyakitaan sin Tuhan Jehova in kabinsanaan sin manga tau niya nakauna. Namaytaˈ in Kitab “Kītaˈ ku [Tuhan] in kabinsanaan sin manga tau ku . . . iban diyungug ku in pagˈaluhuy nila.”—Kiyawakilan 7:34, Kitab Injil.

    Mabunsi tuud in Tuhan ha manga tau maghinang mangī. In Kitab namaytaˈ marugal tuud in Tuhan sin “mamatay sadja ha tau minsan way nakarusa.”—Kitab Masaalla 6:16,17.

  • Katān kita piyaruli sin Tuhan. In Tuhan namaytaˈ kātuˈ “sangdulan niyu kaniya in unu-unu katān kasusahan niyu sabab siya in magparuli kaniyu”.—1 Pitrus 5:7.

    Ha kaagi sin Pamarinta sin Tuhan Jehova hundungun niya in kabinsanaan sin mānusiyaˈ. (Matiyu 6:9,10) Sagawa ha bihaun, tabangan niya in manga nangangandul kaniya.—Kiyawakilan 17:27; 2 Kurintu 1:3, 4.

 PIKILA INI

Maytaˈ tiyugutan sin Tuhan in kabinsanaan?

Sambungan sin Kitab yan ha RŪM 5:12 iban 2 PITRUS 3:9.