Pikil mu amun . . .

  • kasi-lasa?

  • sīn?

  • dugaing pa?

 UNU IN BAYTAˈ SIN KITAB

“Labi pa in kakuyagan sin tau dumungug iban magkahagad sin Parman sin Tuhan.”—Lukas 11:28, Kitab Injil.

UNU IN KARAYAWAN SIN INI KAYMU

Kabakan mu in bunnal kasi-lasa.—Ipisus 5:28, 29.

Sabunnal pag-addat kaymu. —Ipisus 5:33.

Tumutug in pagtiyaun mu.—Markus 10:6-9.

 MAGKAHAGAD BA TUUD KITA HA BAYTAˈ SIN KITAB?

Huun, ha duwa daawa:

  • Tuhan in Nagpaawn sin tawtayanak. Namaytaˈ in Kitab, Tuhan in nagpanjari sin magtawtayanak. (Genesis 2:18-24, NW) Maytaˈ kagunahan ingatun natuˈ ini?

    Taliun mu ini: Bang kaw kiyaamuhan ha lamay kiyaun mu, ampa mabayaˈ mu ingatun bang unu in pamāpa sin ini, kansiyu kaw mangasubu? Diˈ ba ha nagˈadjal haini.

    Damikkiyan, bang mabayaˈ natuˈ ingatun in kakuyagan sin magtawtayanak, ingatun natuˈ ini dayn ha Tuhan Jehova, amun nagpaawn sin magtawtayanak.

  • Nagparuli in Tuhan kātuˈ. Makatabang ha magtawtayanak in pag-agad ha manga daakan sin Tuhan Jehova ha Kitab. Maytaˈ? “Siya in magparuli kaniyu”. (1 Peter 5:6, 7) Karayawan natuˈ tuud in ha pikilan sin Tuhan Jehova—iban in manga hinduˈ niya kapangandulan!—Kitab Masaalla 3:5, 6; Isaias 48:17, 18, NW.

 PIKILA INI

Biyaˈ diin kaw mahinang marayaw bana, asawa, atawa mawmaas?

Sambungan sin Kitab yan ha IPISUS 5:1, 2 iban KULUSSA 3:18-21.