Hunza uya ka timhaka ta kona

Timboni ta Jehovha

Select language ciTshwa

A Vakustumunyu va Jehovha va vhumela ku tiriwa mababyi hi vadhokodhela ke?

A Vakustumunyu va Jehovha va vhumela ku tiriwa mababyi hi vadhokodhela ke?

Ina. Hina Vakustumunyu va Jehovha ha vhumela kunwa mimiri ya cipitali ni ku tiriwa mababyi hi vadhokodhela. Hambu lezvi ka ku hi maha zvontlhe hi zvi kotako kasi ku ti vhikela mababyi, ha tshuka hi ‘lava’ dhokodhela. (Luka 5:31) A ku fana na Luka, a muKristu wa zana ga malembe go sangula, ni nyamutlha ku na ni Vakustumunyu vo kari va nga vadhokodhela. — Va Le Kolosi 4:14.

Hambulezvo, ku na ni matirela ya mababyi lawa ma lwisanako ni matshinya ya milayo ya Bhibhiliya. A matirela lawo a hi ma vhumeli. Hi cikombiso, a hi vhumeli ku cheliwa nkhata hakuva a Bhibhiliya ga beletela ku tirisa nkhata kasi ku ti hanyisa. (Mitiro 15:20) A Bhibhiliya kambe ga beletela matirela ya mababyi ma patsako wudhimoni. — Va Le Galatiya 5:19-21.

Hambulezvo, a kutala ka matirela a ma lwisani ni matshinya ya milayo ya Bhibhiliya. Hikwalaho, munhu ni munhu i ti hlawulela lezvi a lavako ku tiriswa zvona. A Kustumunyu wo kari a nga hlawula muri wo kari ni ku tiriwa hi ndlela yo kari; kanilezvi a Kustumunyu mun’wani a nga ala muri lowo ni matirelwa lawo. — Va Le Galatiya 6:5.