Hunza uya ka timhaka ta kona

Timboni ta Jehovha

Select language ciTshwa

N’wina Vakustumunyu va Jehovha mu maKristu ke?

N’wina Vakustumunyu va Jehovha mu maKristu ke?

Ina. Hi maKristu hakuva:

  • Hi zama ku landzela khwatsi a mahanyela ya Jesu Kristu ni lezvi a zvi gondzisileko. — 1 Pedro 2:21.

  • Hi kholwa lezvaku a zvi koteki ku ponisiwa loku hi nga kholwi ka Jesu, ni lezvaku “a ku na vito gin’wani lahasi ka tilo, legi gi nyikilweko cikari ka vanhu, legi hi nga hanyiswako ha gona.” — Mitiro 4:12.

  • Loku a munhu a maha Kustumunyu ya Jehovha, i bhabhazwa hi vito ga Jesu. — Matewu 28:18, 19.

  • Hi maha mikombelo ya hina hi vito ga Jesu. — Johani 15:16.

  • Hi kholwa lezvaku Jesu hi yena Hloko, kutani ku hi yena a hlawulilweko kasi ku fumela vanhu vontlhe. — 1 Va Le Korinte 11:3.

Hambulezvo, ku na ni zvilo zvo tala zvi hi mahako hi hambana ni wukhongeli legi gin’wani gi vitaniwako ku maKristu. Hi cikombiso, hi kholwa ku a Bhibhiliya gi gondzisa lezvaku Jesu i N’wana wa Nungungulu. Niku Nungungulu a hi vanhu vanharu laha ka kun’we — laha Jesu a nga munwe wabye. (Matewu 16:16; Marku 12:29) Hi kholwa lezvaku a muhefemulo wafa. A hi kholwi lezvaku Nungungulu i tsayisa vanhu hi ku va hisa le tilweni; ne a ku na vesi go kari gi zvi seketelako lezvo. A hi kholwi kambe lezvaku lava va rangelako lomu bandleni va fanele ku vitaniwa hi mavito ma va mahako vava va hombe ka lava van’wani. — Mutshawuteli 9:5; Ezekiyeli 18:4; Matewu 23:8-10.