Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

Kasi Nungungulu i hi vangele yini?

Kasi Nungungulu i hi vangele yini?

LOKU u lera phepha-hungu, u wona mahungu lomu ka televizawu kutani ku ma ingisela ka radu, u wona ni kuzwa zilo zo tala zi wulawulako hi wugevenga, ­tiyimpi ni terrorismo. Kuzilava wena futsi wa xaniseka hi mababyi yo kari kutani hi ku felwa hi munhu u mu ranzako.

Ti wutise lezi:

  • Hi zalezi Nungungulu a ­lavako ku zi humelela mina ni maxaka ya mina ke?

  • Nzi nga xi kuma kwihi xivuno xa ku lwisana ni zikarato za mina?

  • Kona hi ta tshuka hiva ni kurula laha misaveni ke?

A Biblia gi hlamula ziwutiso lezi hi ndlela ya yi nene ni yo tsakisa.

A BIBLIA GI GONZISA LEZAKU NUNGUNGULU I TA NEHA ZILO ZA ZI NENE NGUVU LAHA MISAVENI.

  • A vanhu va nga ta ha xaniseka, va nga ta ha khosahala ne kufa. — Kuvululelwa 21:⁠4

  • A zilema zi ta tlula khwatsi i hlangu.” — Isaya 35:​6

  • “A mahlo ya zikhumu ma ta vululiwa.” — Isaya 35:⁠5

  • Lava va fileko va ta vuka. Johani 5:​28, 29

  • A vanhu va nga ta ha babya. — Isaya 33:⁠24

  • A vanhu vontlhe va tava ni zakuga zo enela— Tisimu 72:⁠16

VUNEKA HI LEZI A BIBLIA GI ZI GONZISAKO

Lezi u nga zi lera ka maphajina ma nga hunza, za olova ku alakanya lezaku a hi zilo za lisine. Kanilezi, Nungungulu i tsumbisile ku neha zilo lezo laha misaveni na ku nga hi kale, niku a Biblia ga tlhamusela lezi a to zi mahisa zona.

A Biblia kambe gi maha zo hunza lezo. Gi komba lezi hi faneleko ku maha loku hi lava ku kuma litsako ni ku hanya wutomi go tsakisa zezi. Nyimanyana u ehleketa hi zikarato za wena. A zikarato lezo, zi ngava ku vumala mali, zikarato za ngango, mababyi, kutani ku felwa hi xaka. A Biblia gi nga ku vuna ku lwisana ni zikarato lezo, niku gi nga ku nyika kurula hi ku hlamula ziwutiso zo fana ni lezi:

Lezi u lerako a bhuku legi zi komba lezaku u lava ku tiva lezi a Biblia gi zi gonzisako. A bhuku legi gi ta ku vuna. A tinzimana ta gona ti na ni ziwutiso zi to ku vuna ku gi zwisisa khwatsi a Biblia. A vanhu vo tala va tsaka nguvu hi ku gonza Biblia ni Timboni ta Jehova. Hi rinzela lezaku wenawu zi ta ku tsakisa. Hi xuva lezaku Nungungulu a ku katekisa laha u toya u tiva lezi a Biblia gi hi gonzisako!