Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

Xana wa xuva nguvu ku wona a kutatiseka ka zitsumbiso za Mufumo?

 XIPANZE 7

Zitsumbiso za Mufumo — Wu maha zilo zontlhe ziva ziswa

Zitsumbiso za Mufumo — Wu maha zilo zontlhe ziva ziswa

 U KARI u khaya mihanzu ya hombe ni yo buva khwatsi. Uzwa kunuhela ka yona na u nga se yi chela nzhaveni lowu wu yako wu tala hi yona. U tirile tihora na u yi khayela, kanilezi a wu se karala niku wa ha longile ku tiranyana kambe. Mamani wa wena i laha ka sinya yinwani, na a tira hi kutsaka ni ku bhula ni zinwani ziro za ngango zinwe ni vanghana lava va mu vunetelako kukhayeleni ka mihanzu leyo. Yena i woneka na a hi muswa — kota lezi u mu alakanyisako zona na wa ha hi nwanana malembeni lawo ma hunzileko. Za karata ku kholwa lezaku u mu wonile na a khosahala misaveni leyi yi fuvileko kale. U mu wonile na a mbhela hi ku babya, u khoma a woko gakwe a xikhati a nga kari a hlala a guma afa, u rila laha xilahleni xakwe. Hambulezo, hi yaloyi, i vukile a hanya khwatsi zinwe ni vanwani vo tala nguvu!

Ma hata masiku lawo; ha zi tiva. Ha zi tiva hakuva a zitsumbiso za Nungungulu zi gumesa hi ku tatiseka. Ka xipanze lexi, hi ta wulawula hi lezi a zitsumbiso zo kari za Mufumo zi to tatisekisa zona ka masikwana lawa ma ha tako, hiza hi chikelela a yimpi ya Har–Magedoni. Hi ta alakanya kambe a zitsumbiso zo kari zo tsakisa za Mufumo lezi zi to tatiseka anzhako ka lezo. A hi kutsaka loku hi tova nako hi ku wona a xikhati lexo na Mufumo wa Nungungulu wu kari wu fumela misava yontlhe, wu maha zilo zontlhe ziva ziswa!

IN THIS SECTION

XIPIMO 21

A Mufumo wa Nungungulu wu fuvisa a valala va wona

Ti longisele zalezi lezaku u yimisana ni yimpi ya Har–Magedoni.

XIPIMO 22

A Mufumo wu maha a kuranza ka Nungungulu misaveni

U nga tiyisekisa kuyini lezaku a zitsumbiso za Jehova zi ta tatiseka?