Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

Xibhabheni: Xivuno xi rumelweko hi le Suíça kasi ku vuna vamakabe va hina va le Alemanha, 1946; xineneni: Kuaketwa ka Salawu ya Mufumo le Japão anzhako ka tsunami, 2011

 XIPANZE 6

A Mufumo wa seketelwa — Va aka tiyindlu ta wukhozeli va tlhela va nyika xivuno loku ku humelela timhango

A Mufumo wa seketelwa — Va aka tiyindlu ta wukhozeli va tlhela va nyika xivuno loku ku humelela timhango

 U NGHENA Salawini ya nwina ya Mufumo kanilezi a hi zona u yi tivisako zona. Kusukela kale u tizwa matshanza hi yindlu leyo. U nga ha alakanya zilo zo tsakisa lezi zi humeleleko a xikhati mu nga kari mu yi aka ka malembana ma ha hi ku hunzako. Kanilezi a matshanza lawa u nga nawo hi kota ya yona ma engetele makunu hakuva, hi xikhatanyana, a Salawu leyo ya Mufumo yi mahilwe wutshamu ga ku nyika hi kona xivuno lava va humelelweko hi mhango. Anzhako ka loku a wutshamu legi mu hanyako kona gi hahlulilwe hi tindambi ti vangilweko hi xingulu, a Kometi ya Ravi yi hatlile yi maha malulamiselo ya lezaku lava va welweko hi mhango leyo va kuma zakuga, tinguwo, mati yonwa, ni zinwani zivuno. A zilo lezo zi longiselwa kwalomo Salawini ya nwina. Yi sangula ku tala hi vamakabye va tako va ta phaka a xivuno lexo, lava a kutala ka zikhati va xililikako mihloti hi kutsaka.

Jesu i te ngalo lexi xi nga wa ta kombisa nguvu a vanhu vakwe kuranzana. (Joh. 13:34, 35) Ka xipanze lexi, hi ta wulawula hi lezi a liranzo la wuKristu li kombisiswako zona mitirweni yo kari yi mahiwako hi Timboni ta Jehova, ku nga kuaka ni ku nyika xivuno loku ku humelela timhango. A liranzo lontlhe lelo xikombiso xa lezaku hi rangelwa hi kufuma ka Jesu.

IN THIS SECTION

XIPIMO 18

Lezi yi kumiswako zona a mali yo seketela a Mufumo

Xana a mali yi tiriswako yita hi kwihi? Yi tirisiswa kuyini?

XIPIMO 19

Ntiro wa kuaka wu dzunzako Jehova

A tiyindlu ta ku khozelela kona ti dzunza Nungungulu, kanilezi yena i nyika lisima a nchumu wunwani wu nga wa lisima nguvu.

XIPIMO 20

Wutireli ga ku lamulela timhango

Hi zi tivisa kuyini lezaku a ntiro wa ku lamulela timhango xipanze xa ntiro wo basa lowu hi wu mahelako Jehova?