Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

Cingheniso ca cipandze 7

Cingheniso ca cipandze 7

A cipandze leci ci wulawula hi matimu ya Hosi Sawule na Hosi Dhavhidha. Matimu ma ringanako 80 wa malembe. Kusanguleni, Sawule i wa hi munhu wo ti koramisa ni wo ingisa Nungungulu. Kanilezvi, a nga hlwelangi ku cica a sangula ku nga ha landzeli zvileletelo zva Jehovha. Hi kufamba ka cikhati, Jehovha i no mu tsika, a byela Samuweli lezvaku a ya tota Dhavhidha kasi ava hosi ya Izrayeli yi to vhaleta Sawule. Hi kota ya ciluse, Sawule i no zama ku daya Dhavhidha makhati yo tala, kanilezvi Dhavhidha a nga tshukangi a zama ku ti photela. Jonatani a n’wana wa Sawule, i no zvi wona lezvaku Jehovha i wa hlawulile Dhavhidha kasi ava hosi; hikwalaho, i no tsumbeka ka Dhavhidha. Dhavhidha i mahile zviwonho zva hombe. Hambulezvo, a nga tshukangi a ala ku layiwa hi Jehovha. Loku u hi mupswali, vhuna n’wana wa wena lezvaku a wona lisima la ku ingisa Jehovha contlhe cikhati, ku tsumbeka ka yena ni ku seketela lava a va hlawulako kasi ku hi rangela.

IN THIS SECTION

CIGONDZO 39

Hosi yo sangula ya Izrayeli

Nungungulu i wa yimisile valamuli kasi ku rangela vaIzrayeli. Kanilezvi, va no gumesa va kombela hosi. Samuweli i no tota Sawule kota hosi yo sangula. Kanilezvi hi kufamba ka cikhati, Jehovha i no gumesa a ala Sawule. Hikuyini?

CIGONDZO 40

Dhavhidha na Goliyate

Jehovha i no hlawula Dhavhidha lezvaku a maha hosi yi nga landzela ya Izrayeli. Dhavhidha yenawu i kombile lezvaku i hlawulilwe khwatsi.

CIGONDZO 41

Dhavhidha na Sawule

Hikuyini a mun’we wa vavanuna lava a nga kari a zonda mun’wani, niku zvini a nga maha loyi a nga zondiwa?

CIGONDZO 42

Jonatani i wa hi wanuna wo tiya hlana ni wo tsumbeka

A n’wana wa hosi i no maha munghana wa Dhavhidha.

CIGONDZO 43

Ciwonho ca Hosi Dhavhidha

A ciboho ca hava ci vangile zvikarato zvo tala.