Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

 CIGONDZO 7

Peredhu ga Bhabheli

Peredhu ga Bhabheli

Loku a ndambi yi hundzile, a vana va Nowa ni vasati vabye va no pswala vana vo tala. A mingango yabye yi no kula, va sangula ku hangalaka laha misaveni, kota lezvi Jehovha a nga va byelile.

Kanilezvi a vanhu vo kari a va mu ingisangi Jehovha. Va te: ‘A hi akeni dhoropa hi tshama ka gona, hi aka peredhu gi leha kala gi chikela le tilweni. Zvonake hi tava ni nduma’.

 Jehovha a nga tsakangi hi lezvi a vanhu lavo va nga kari va zvi maha. Hikwalaho, i no va nyimisa. Wa zvi tiva ku i zvi mahisile kuyini? I no va maha va wulawula tirimi to hambana hi citshuketi. Kota lezvi va nga kala va nga ha zwisisani, va no nyima ku aka. A dhoropa legi va nga kari va aka gi no vitaniwa ku i Bhabheli, lezvi zvi wulako ku ‘vhilinganya’. A vanhu va no suketela va ya tshama ka matshamu yo hambanahambana ya misava. Kanilezvi va no simama ku maha zvilo zva ku biha kwalomo ka matshamu lawo ya maswa. Xana i kona a nga simama ku randza Jehovha? Hi ta zvi pola ka cipimo ci landzelako.

“Ni wihi a ti kulisako i ta koramiswa; kanilezvi loyi a ti koramisako ita kuliswa.” — Luka 18:14