Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

 XIGONZO 12

U nga tshinelisa kuyini ka Nungungulu?

U nga tshinelisa kuyini ka Nungungulu?

1. Xana Nungungulu wa ingisela a mikhongelo yontlhe?

Nungungulu i ramba vanhu va matiko wontlhe lezaku va mu tshinelela hi mukhongelo. (Tisimu 65:2) Hambulezo, yena a nga ingiseli kutani ku vumela mikhongelo yontlhe. Hi xikombiso, a mikhongelo ya wanuna a xanisako sati wakwe ya zi kota ku nga chikeli ka yena. (1 Pedro 3:7) A xinwani xikombiso xa lezo hi lexi xa vaIsraeli, lava Nungungulu a nga ala kuzwa mikhongelo yabye hi kota ya lezi va nga simama ku maha kubiha. Zi te dlunya lezaku a mukhongelo i lungelo. Hambu zi hi tano, Nungungulu i ta vumela hambu a mikhongelo ya vaonhi va hombe loku va ti sola. — Gonza Isaya 1:15; 55:7.

Wona a vhidhyu Nungungulu wa ingisela mikhongelo yontlhe?

2. Hi fanele ku khongelisa kuyini?

A mukhongelo xipanze xa wukhozeli, hikwalaho hi fanele ku khongela ka Muvangi wa hina ntsena, ku nga Jehova. (Mateu 4:10; 6:9) Ahandle ka lezo, lezi hi nga mbhelelangiko, hi fanele ku khongela vitweni ga Jesu hakuva yena i fele a zionho za hina. (Johani 14:6) Jehova a nga lavi lezaku hi phindaphinda a mikhongelo yi nga maalakanyweni kutani yi nga ka bhuku go kari. I lava lezaku hi khongela na zi huma mbilwini. — Gonza Mateu 6:7; Va Le Filipi 4:6, 7.

A Muvangi wa hina wa zi kota kuzwa hambu a mikhongelo hi yi mahako na hi nga zwati gezu. (1 Samueli 1:12, 13) Yena wa hi ramba lezaku hi khongela ni ka xihi xikhati, xo kota kusanguleni ni kumbheleni ka siku, xikhati xa kuga, ni loku hi yimisana ni zikarato. — Gonza Tisimu 55:22; Mateu 15:36.

3. Hikuyini a maKristu ma mahako mitlhangano?

A ku tshinela ka Nungungulu a zi olovi hakuva hi hanya xikari ka vanhu va nga kholwiko ka Nungungulu ni va tseketselako a xitsumbiso xakwe xa misava yo rula. (2 Timote 3:1, 4; 2 Pedro 3:3, 13) Hikwalaho hi na ni xilaveko xa ku tiyisana ni makholwa-kulori. — Gonza Maheberu 10:24, 25.

 A ku maha wunghana ni vanhu va ranzako Nungungulu za hi vuna ku tshinela ka Nungungulu. A mitlhangano ya Timboni ta Jehova yi nyika malungelo ma nene ya kuva hi vuneka hi kukholwa ka vanwani. — Gonza Va Le Roma 1:11, 12.

4. U nga tshinelisa kuyini ka Nungungulu?

Wa zi kota ku tshinela ka Nungungulu hi ku ehleketa xungetano hi lezi u zi gonzako Mhakeni yakwe. Ehleketa hi mitiro yakwe, wusungukati gakwe, ni zitsumbiso zakwe. A ku khongela ni ku ehleketa za hi vuna ku zwisisa a lisima la liranzo ni wutlhari ga Nungungulu. — Gonza Joxua 1:8; Tisimu 1:1-3.

U nga zi kota ku tshinela ka Nungungulu ntsena loku u mu tsumba, u kholwa ka yena. Kanilezi a kukholwa ku fana ni zilo zi hanyako lezi zi lavako ku gisiwa. U fanele ku tshama hi ku gisa a kukholwa ka wena hi ku vuxeta a xiseketelo xa kukholwa ka wena. — Gonza Mateu 4:4; Maheberu 11:1, 6.

5. Xana a ku tshinela ka Nungungulu zi ta ku vunisa kuyini?

Jehova wa khatalela lava va mu ranzako. Yena wa zi kota ku va vikela ka ni xihi lexi xi nga wa ta onha a kukholwa kabye ni kutsumba kabye ka wutomi ga pinzukelwa. (Tisimu 91:1, 2, 7-10) Yena wa hi tlharihisa ka mahanyela ma vekako mhangweni a wutomi ga hina ni litsako la hina. Jehova wa hi gonzisa a mahanyela ya chukwana ka wontlhe. — Gonza Tisimu 73:27, 28; Jakobe 4:4, 8.