Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

 XIGONZO 1

Mahungu muni yo saseka lawa Nungungulu a nga nawo?

Mahungu muni yo saseka lawa Nungungulu a nga nawo?

1. Mahungu muni yo saseka lawa Nungungulu a nga nawo?

Nungungulu i lava lezaku a vanhu va kuma wutomi go tsakisa laha misaveni. Yena i vangile misava ni zilo zontlhe zi nga ka yona hi kota ya liranzo lakwe hi vanhu. Lokuloku, yena i ta maha xo kari kasi ku neha wumanziko ga chukwana ka vanhu matikweni wontlhe. Yena i ta humuta vanhu ka lezi zi vangako kuxaniseka. — Gonza Jeremia 29:11.

A ku na mufumo wu tshukileko wu zi kota ku fuvisa a tihanyi, mababyi, kutani kufa. Kanilezi ku na ni mahungu yo saseka. Lokuloku, Nungungulu i ta valeta a mifumo yontlhe ya vanhu hi mufumo wa yena wutsumbu. A vafumelwi va wona va ta kuma kurula ni wutomi gi nene. — Gonza Isaya 25:8; 33:24; Danieli 2:44.

2. Hikuyini a mahungu yo saseka ma nga ya xihatla?

A kuxaniseka ku ta mbhela ntsena a xikhati lexi Nungungulu a to fuvisa a vakubiha misaveni. (Zefania 2:3) Zi ta maheka rini lezo? A Mhaka ya Nungungulu yi wulile na ka ha hi mahlweni lezaku ku wa tava ni matshamela lawa zezi ma vekako vanhu mhangweni. A zilo lezi zi mahekako zezi misaveni zi komba lezaku a xikhati xa kuva Nungungulu a maha xo kari xi tshinele. — Gonza 2 Timote 3:1-5.

3. Zini hi faneleko ku maha?

Hi fanele ku gonza xungetano hi Nungungulu Mhakeni yakwe, a Biblia. Yona yi fana ni papilo gi tako ka hina hi ka raru wa liranzo. Yi hi byela lezi hi nga hanyisako zona hi ndlela ya chukwana zezi ni lezi hi nga kumisako zona a wutomi ga pinzukelwa misaveni xikhatini xi tako. Kunene, a vokari kuzilava va nga ta tsaka hi kuva u vuniwa ku zwisisa a Biblia. Kanilezi a hi faneli ku vumelela vanhu lezaku va hi tsikisa a lungelo lego ga hombe ga ku kuma wumanziko ga gi nene nguvu. — Gonza Mavingu 29:25; Kuvululelwa 14:6, 7.