Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

 CIGONDZO 2

Wulawulisa ku khwatsi mabhulo

Wulawulisa ku khwatsi mabhulo

2 Va Le Korinte 2:17

LEZVI U FANELEKO KU MAHA: Wulawulisa lezvi u wulawulisako zvona siku ni siku, u maha lezvo hi ndlela yi kombako lezvaku u na ni cichavo hi mhaka leyi u wulawulako hi yona ni lava u wulawulako navo.

U TA ZVI MAHISA KUYINI?

  • Ti longisele khwatsi u tlhela u khongela. Khongela kasi u veka kupima ka mahungu ya wena, na ku nga hi ka wena wutsumbu. Ti khome hi hloko a timhaka-tshinya leti u lavako ku wulawula hi tona. Tlhamusela timhaka leto hi magezu ya wena. U nga ti wulisi lezvi ti nga tsalisiwa zvona a ku khwatsi wo lera.

  • Wulawula na zvi sukela mbilwini. Alakanya ku hikuyini lava u wulawulako navo va faneleko kuzwa a mahungu lawo. Wulawula na u alakanya vona. Loku u maha lezvo, a mayimela ya wena, ni majesto, ni nghohe ya wena zvi ta komba ku wa va randza, u na ni cichavo hi vona, niku u wulawula navo kota munghana.

  • Cuwuka lava u wulawulako navo. Cuwuka lava u wulawulako navo loku zvi nga khunguvanyisi munhu. A cikhati leci u kanelako, cuwuka a munhu mun’we hi khati; u nga zami ku cuwuka a vanhu vontlhe hi khati gin’we.