Hunza uya ka timhaka ta kona

Timboni ta Jehovha

Select language ciTshwa

Himani loyi hakunene a fumelako misava?

Himani loyi hakunene a fumelako misava?

Xana u taku . . .

  • hi Nungungulu?

  • vanhu?

  • hi Satani?

 LEZI A BIBLIA GI ZI WULAKO

“A tiko [misava] gontlhe gi le ntanwini wa loyi wa kubiha.” — 1 Johani 5:19.

“A Nwana wa Nungungulu i lo wonekeliswa lezaku a fela ku mbhetisa [fuvisa, Tradução do Novo Mundo] a mitiro ya Satani.” — 1 Johani 3:8.

LEZI U ZI BHINZULAKO HI KU KHOLWA LEZO

U ta kuma mitlhamuselo yo dlunyateka ya zigelo za zikarato za misava. — Kuvululelwa 12:12.

U tava ni zigelo za ku kholwa lezaku a misava leyi yi ta chukwatiswa. — 1 Johani 2:17.

 XANA LEZI A BIBLIA GI ZI WULAKO ZA TSUMBEKA HAKUNENE?

Ina, hi zigelo zinharu hi wutsongwani ga kona:

  • A kufuma ka Satani ku ta fuviswa. Jehova i ti yimisele ku fuvisa a mufumo wa Satani. Yena i tsumbisa “ku lovisa . . . Satani” a tlhela a fuvisa a kuxaniseka kontlhe loku Diabolus a ku vangelako vanhu. — Maheberu 2:14.

  • Nungungulu i hlawulile Jesu Kristu lezaku a fumela misava. Jesu wa hambana nguvu ni mufumeli wa tihanyi ni wa makangwa loyi a fumelako misava zezi. Xungetano hi kufuma ka Jesu, Nungungulu i tsumbisa lezi: “I ta zwela wusiwana loyi a hlokisilweko ni muvumali . . . I ta va tirula kutsimbeketweni ni lomu kuxanisweni.” — Tisimu 72:13, 14.

  • Nungungulu a nga hembi. A Biblia gi wula hi kudlunyatekileko lezaku: ‘Nungungulu a nga zi koti ku hemba.’ (Maheberu 6:18) Loku Jehova a tsumbisa ku maha zokari, a zi kanakanisi lezaku i ta zi maha! (Isaya 55:10, 11) “A hosana ya legi tiko yi ta hlongolwa makunu.” — Johani 12:31.

 ALAKANYELA LEZI

Yi ta tshamisa kuyini a misava leyi anzhako ka kulobyiswa ka mufumeli wa yona?

A Biblia ga hlamula a xiwutiso lexi ka TISIMU 37:10, 11 ni ka KUVULULELWA 21:3, 4.