Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

MAHANYELA YA WUKRISTU

Engetela wutlhari ga wena kuchumayeleni — Sangula mabhulo ma to ku vhulela ndlela ya ku nyika wukustumunyu

Engetela wutlhari ga wena kuchumayeleni — Sangula mabhulo ma to ku vhulela ndlela ya ku nyika wukustumunyu

Jesu i zvi kotile ku chumayela wasati wa muSamariya hi citshuketi hi kota ya lezvi a nga sangula mabhulo naye. Hi nga engetelisa kuyini a wutlhari ga hina ga ku sangula mabhulo ni vanhu hi kalako hi nga va tivi?

  • Kombisa a cinghana u tlhela u bhula ni vanhu. Hambu lezvi Jesu a nga karele, i sangulile mabhulo yakwe hi ku kombela mati. Wenawu, u nga sangula mabhulo ni munhu hi ku mu losa hi ndlela yi nene. Hi kulandzela, u nga ha wula zvokari xungetano hi macela, kutani zvilo zvin’wani zva ha hi ku mahekako. Alakanya lezvaku a kungo ga hina ku sangula mabhulo. Hikwalaho, wulawula ni yihi mhaka leyi a munhu a nga yi tsakelako. Loku a nga khatali, a wu luzangi nchumu. Maha zvalezvo ka munhu mun’wani. Kombela Jehovha lezvaku a ku nyika kutiya-hlana. — Ne 2:4; Mit 4:29.

  • Tshama na u longile ku chumayela mahungu yo saseka, kanilezvi u ngavi ni matloti. Tsika bhulo gi ti tlhavinyeta hi goce. Loku u kurumeta bhulo, a munhu a nga karateka a tlhela a tsika ku bhula. U nga swireki loku a bhulo gi mbhela na u nga chumayelangi. Loku zvi ku chavisa ku chumayela mahungu yo saseka hi citshuketi, zama ku bhula ni vanhu na u nga hi na kungo ga ku va chumayela. [Bisa vhidhyu yo sangula mu gumesa mu bhulisana hi yona.]

  • Zama ku hlota tindlela ta ku chumayela hi ku wula magezu yo kari ma kombako lezvi u zvi kholwako, lezvo zvi nga maha loyi u bhulako naye a lava ku u mu tlhamusela. Jesu i wulile magezu yo kari lawa ma nga maha ku a wasati wa muSamariya a maha zviwutiso. A cikhati leci a nga kari a sangula ku bhula hi mahungu yo saseka, i wo mu hlamula zviwutiso zvakwe. [Bisa vhidhyu ya wumbiri mu gumesa mu bhulisana hi yona, hi kulandzela bisa leyi ya wunharu.]