Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

 MAHANYELA YA WUKRISTU

Wa ma wona matshamela ma nga wonekiko ya Nungungulu?

Wa ma wona matshamela ma nga wonekiko ya Nungungulu?

Loku u cuwuka mivala ya zvitsangi, matilo ma teleko hi tinyeleti, kutani kuhatima ni kuzwa kudzindza, wa yi wona mitiro ya Muvangi? A zvivangwa zvontlhe zvi hi randzeleko zvi kombisa khwatsi a matshamela ma nga wonekiko ya Jehovha. (Rom 1:20) Loku hi nyima hi ku tsem, hi ehleketa hi lezvi hi zvi wonako hi mahlo, hi wona ntamu wa Nungungulu, ni lirandzo lakwe, ni wutlhari, ni kululama ni wuhana gakwe. — Lis 104:24.

Hi zvihi zvivangwa zvokari zva Jehovha u zvi wonako siku ni siku? Hambu loku u hanya lomu dhoropeni, u nga wona zvinyanyani ni tisinya. A ku nyima hi ehleketa hi zvivangwa zva Jehovha zvi nga hungula kukarateka ka hina, hi veka kupima ka hina ka lezvi hakunene zvi nga zva lisima, hi tlhela hi engetela kukholwa ka hina ka ku Jehovha wa hi khatalela contlhe cikhati. (Mat 6:25-32) Loku u hi mupswali, vhuna vana va wena a ku wona matshamela yo hlamalisa ya Jehovha. Laha hi engetelako ku kombisa ku bonga hi kota ya zvivangwa lezvi zvi hi randzeleko, hi ta tshinela kusuhani nguvhu ni Muvangi. — Lis 8:3, 4.

WONA A VHIDHYU A KUHLAMALISA KA ZVIVANGWA KU KOMBISA WUDZUNDZO GA NUNGUNGULU — KUWONEKELA NI MIVALA, U GUMESA U HLAMULA ZVIWUTISO LEZVI:

  • Zvi kotekisa kuyini a ku wona mivala?

  • Cini ci mahako ku a muvala wa nchumu wo kari wu cicacica?

  • Hikuyini hi wonako mivala yo hambanahambana le tilweni?

  • Hi yihi mivala ya zvivangwa yi ku hlamalisako, leyi u yi wonako lomu u hanyako kona?

  • Hikuyini hi faneleko ku ti nyika cikhati ca ku ehleketa hi ntumbuluko?

A kuwonekela ni mivala zvi komba yini hi matshamela ya Jehovha?