Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

 MAHANYELA YA WUKRISTU

Vaswa — ‘ti tsitsiriteni mitirweni yo saseka’

Vaswa — ‘ti tsitsiriteni mitirweni yo saseka’

Ka papilo gakwe gi pimisilweko gi ngaya ka Titusi, mupostoli Pawule i tsalile lezvaku a vaswa, a ku patsa na Titusi, va fanele ku maha zvontlhe va zvi kotako kasi vava “cikombiso ka mitiro yo saseka matlhelweni wontlhe”. (Tit 2:6, 7) Hi ku landzela, kwalomu ka cipimo caleci ca cin’we, i kombile lezvaku a vanhu va Jehovha va basisilwe. Hikwalaho va wa ta ‘ti tsitsirita mitirweni yo saseka’. A wun’we wa mitiro leyo yo saseka ku chumayela ni ku gondzisa xungetano hi Mufumo wa Nungungulu. Loku u hi muswa, u nga tirisa a ntamu wa wena kasi ku tira kota phayona go vhunetela kutani phayona ga cikhati contlhe? — Mav 20:29.

Loku u lava ku tira kota phayona, ranga hi ku tshama hasi u xaxameta a mitiro ya wena kasi u zvi kota ku tatisa kungo ga wena. (Luk 14:28-30) Hi cikombiso, u ta zvi kumisa kuyini zva ku ti hanyisa hi zvona seno na u hi ka ntiro wa cikhati contlhe? Kona u ta ti enetisa kuyini a tihora ti lavekako? Khongela ka Jehovha kasi a ku vhuna. (Lis 37:5) Bhula ni vapswali va wena xungetano hi makungo ya wena u tlhela u bhula ni lava va humelelako ka ntiro wabye wa wuphayona. Hi ku gumesa, tatisa a mixuvo ya wena. Jehovha i ta katekisa kutikarata loku u ku mahako ntirweni wakwe!

WONA A VHIDHYU VASWA VA DZUNDZAKO JEHOVHA U GUMESA U HLAMULA A ZVIWUTISO LEZVI:

  • Zvikarato muni lezvi a vokari va zvi hlulileko kasi va tira kota maphayona, niku va zvi mahisile kuyini?

  • A vapswali va nga va vhunisa kuyini a vana vabye lezvaku vava maphayona ya cikhati contlhe?

  • Hikuyini zvi nga zva lisima a kuva ni longoloko wa ku chumayela?

  • A vamakabye lomu bandleni va nga vhunisa kuyini a maphayona ni ku ma tiyisa?

  • Hi wahi a makatekwa ma kumiwako hi maphayona?

Ndzi nga zvi kotisa kuyini a ku tira kota phayona?