Hunza uya ka timhaka ta kona

Tlhela ka xaxameto wa tihloko ta mhaka

Timboni ta Jehovha

Select language ciTshwa

 MAHANYELA YA WUKRISTU

Engetela wutlhari ga wena kuchumayeleni — Tirisa zviwutiso hi wutlhari

Engetela wutlhari ga wena kuchumayeleni — Tirisa zviwutiso hi wutlhari

HIKUYINI ZVI NGA ZVA LISIMA? A ‘maalakanyo mbilwini ya munhu ma fana ni mati ya kueta,’ makunu a zviwutiso zvi fana ni cigobhoza kasi kukha hi cona maalakanyo lawo. (Mav 20:5) A zviwutiso zvi hi vhuna ku patsa vaingiseli va hina ka mabhulo. Niku a hlamulo wa ciwutiso ci mahilweko khwatsi wu tolovela ku nyika mahungu ya lisima hi munhu loye a wutisiwako. Jesu i tirisile zviwutiso hi wutlhari. Hi nga mu pimanyisisa kuyini?

U NGA ZVI MAHISA KUYINI?

  • Maha zviwutiso zva ku lava ku tiva mawonela. Jesu i tirisile zviwutiso zvo tala kasi a tiva mawonela ya vapizani vakwe. (Mt 16:13-16; be-T 238 ¶3-5) Zviwutiso muni zva ku lava ku tiva mawonela u nga zvi mahako?

  • Maha zviwutiso zvi vhululako ndlela yo kuma hlamulo. Kasi ku lulamisa a maalakanyo ya Pedro, Jesu i no mu maha zviwutiso a tlhela a mu vhululela tindlela to kuma hlamulo. Lezvo zvi mu vhunile ku chikelela magumo ma nene. (Mt 17:24-26) Zviwutiso muni u nga mahako wokari kasi u mu vhuna ku chikelela magumo ma nene?

  • Mu dzundze. Andzhako ka kuva a mutsali wo kari a ‘hlamulile hi kupima,’ Jesu i no mu dzundza. (Mr 12:34) U nga dzundzisa kuyini munhu a hlamulileko khwatsi ciwutiso u mu mahileko?

WONA CIPANDZE CO RANGA CA VHIDHYU MAHA A NTIRO LOWU JESU A WU MAHILEKO — GONDZISA, U GUMESA U HLAMULA ZVIWUTISO LEZVI:

  • Hikuyini a gondzisela legi gi kalako gi nga hi gi nene, hambu loku a mahungu ya kona ma hi ya lisine?

  • Hikuyini hi faneleko ku maha zvo hundza ku tlhamusela mahungu?

WONA CIPANDZE CA WUMBIRI, U GUMESA U HLAMULA ZVIWUTISO LEZVI:

  • A makabye loyi hi mu wonileko ka vhidhyu i mahisile kuyini zviwutiso hi wutlhari?

  • Hi gihi tshamela gin’wani ga kugondzisa kakwe hi nga gi pimanyisako?

Lezvi hi gondzisisako zvona zvi va khumbisa kuyini van’wani? (Lu 24:32)