CIPANDZE 1

Kusukela cikhatini ca Enoki kala cikhatini ca Samuweli

A cipandze leci ci wulawula hi zvikombiso zva vanhu va kukholwa ni va kutiya-hlanha, kusukela ka Enoki kala cikhatini ca muphrofeti Samuweli.

Cipandze 1 Grafiko ga cikhati

I grafiko ga cikhati gi kombako a kuleha ka wutomi ga vanhu va kumbukiwako lomu ka Bhibhiliya, a ku patsa ni zvimaho zva lisima zva matimu ya Bhibhiliya.

1 ENOKI

I no famba na Nungungulu

Enoki i no ti hambanisa ni vanhu va masikwini yakwe hi tindlela timbiri. I zvi kotisile kuyini? I hi gondzisa yini xungetano hi kutiya-hlanha?

2 NOWA

I no kona tiko

A masiku ya hina ma fanisa kuyini ni masiku ya Nowa? Wona lezvi u nga ku pimanyisisako zvona a kutiya-hlanha ka Nowa wutomini ga wena.

3 SARA

I no ala ku cuwuka ndzhako

Sara i kombisile a kukholwa ni kutiya-hlanha hi tindlela muni?

4 ABRAHAMA

Wanuna wo sangula a kulwa yimpi ya Jehovha

Hi gondza yini ka lezvi Abrahama a mahileko kasi ku tlhatlhisa a sobrinyo wakwe? Jehovha i ti zwisile kuyini hi kutiya-hlanha ni kukholwa loku Abrahama a ku kombisileko

5 ABRAHAMA

Hambu lezvi zvi nga karata i ingisile Nungungulu

Hi nga ku pimanyisisa kuyini a kutiya-hlanha ka Abrahama hi ingisa Nungungulu? A matimu lawa ma hi gondzisa yini hi lirandzo la Jehovha?

6 REBHEKA

I no rura aya ka tiko ga le kule

Rebheka i wa hi wasati a nga hi ni kutiya-hlanha ni kukholwa ko hlamalisa. Hi gondza yini ka cikombiso cakwe?

7 JAKOBE

I tiyile hlanha a vhikela ngango wakwe

A cikombiso ca Jakobe ci ku tiyisekisisa kuyini lezvaku a kuva ni makatekwa ya Jehovha zva lisima nguvhu a kuhundza ni kwihi kutikarata?

8 JOSEFA

I no ala ciringo

Wona lezvi a cikombiso ca Josefa ci nga ku vhunisako zvona a ku ala zviringo ni ku timisela zvikarato.

9 XIFRA, NA PUWA, NA AMRAMU, NA JOKEBHEDHE, NA MIRIYAMU

“Hi kukholwa, va no vhikela Mosi”

A masingalakati, ni vapswali va Mosi, a ku patsa ni makabye wakwe wa cisati, va no kombisa a kukholwa ka hombe ni kutiya-hlanha. Hi nga va pimanyisisa kuyini?

10 MOSI

I mahile a ciboho ca cinene

Ciboho muni leci Mosi a ci mahileko niku hikuyini? U gondza yini ka cikombiso cakwe?

11 MOSI

“Famba ka Faro”

A matimu ya Mosi ma hi tiyisekisisa kuyini lezvaku Jehovha i ta hi vhuna hambu loku zvi wonekisa ku khwatsi a hi ringanelwi hi ku maha zviavelo lezvi a hi nyikako?

12 KALEBHI

I simamile a tsumbekile ka Nungungulu wakwe

Wona lezvi a cikombiso ca Kalebhi ci hi vhunisako zvona loku hi tshuka hi kurumeteka ku landzela “citshungu”.

13 JOXUWA

I landzele zvileletelo zvo kala ku toloveleka

Zvileletelo muni zvo kala ku toloveleka lezvi Jehovha a nyikileko Joxuwa? Hi ka zviyimo muni hi nga pimanyisako a cikombiso ca Joxuwa?

14 RAHABHI

I no hlawula ku yima na Jehovha a tsika vanhu vakwe

Hi nga gondza yini ka lezvi Rahabhi a mahileko? Makatekwa muni a ma kumileko hi lezvi a kombisileko kukholwa ni kutiya-hlanha?

15 NAWOMI NA RUTE

Va vhunene zvikhatini zva zvikarato

Nawomi na Rute va kombisile kutiya-hlanha hi tindlela muni? Hi gondza yini ka cikombiso cabye?

16 BHARAKI NA DHEBHORA

“Hi ta famba hontlhe”

A kuva Bharaki a kombele Dhebhora lezvaku a famba naye yimpini zvi komba ku i wa hi munhu wa gome kutani zvi komba ku i wa hi munhu wa kukholwa ko tiya?

17 JAYELI

“I katekile ku hundza vavasati vontlhe”

A cikombiso ca Jayeli ca ku tiya hlanha a daya nala wa Jehovha ca ha hi vhuna ni nyamutlha. Hikuyini nyamutlha zvi lavekako nguvhu a ku hiva ni kutiya-hlanha ko fana ni loku kakwe?

18 GIDHEYONI

I wa hi munhu wo tiya hlanha niku i wa tlharihile

Hi ka zviyimo muni zvi nga lavako ku hi tiya hlanha hi tlhela hi tlhariha?

19 JEFTA NI NHANYANA WAKWE

Va no tatisa cifungo co karata

A cikombiso ca Jefta ni nhanyana wakwe ci hi vhunisa kuyini nyamutlha?

20 SAMSONI

I no tiya hlanha a cikhati a nga rerekile

Zvini hi nga gondzako ka lezvi Samsoni a mahileko andzhako ka ku maha a cihoxo?

21 SAMUWELI

I tiyile hlanha a wula mahungu ya Jehovha

Hi rini laha a vaswa zvi nga lavako ku va tiya hlanha kasi ku yimela zvazvinene?

CIPANDZE 2

Kusukela masikwini ya Tihosi kala cikhatini ca kuaketwa ka Jerusalema

A cipandze leci ci wulawula hi zvikombiso zva kale zva vanhu va kukholwa ni kutiya-hlanha, kusukela ka Jonatani, a n’wana wa hosi Sawule, ku landzela hosi Dhavhidha, ci gumesa hi vanhu va Nungungulu lava va wuyileko hi wukhumbini va ta aketa Jerusalema.

Cipandze 2 Grafiko ga cikhati

I grafiko gi kombako lezvi a vanhu va kumbukiwako lomu ka Bhibhiliya va nga hanyisa zvona, a ku patsa ni zvimaho zva lisima zva matimu ya Bhibhiliya zva kusukela masikwini ya tihosi kala cikhatini ca kuaketwa ka Jerusalema.

22 JONATANI

Zvi lavile ku a tiya hlanha kasi ava munghana wo tsumbeka

Jonatani i kumene ni zvikarato zvi ringileko a kukholwa kakwe. I zvi tivisile kuyini ku i ta tsumbeka ka mani? Hi nga mu pimanyisisa kuyini?

23 DHAVHIDHA

I nolwa ni cihotlovila

Dhavhidha i wa tiviwa kota “wanuna wo tiya hlanha tlhelo musochwa wa nhenha”. A cikombiso cakwe ci va tiyisisile kuyini van’wani? A kutiya-hlanha ka wena ku nga va vhunisa kuyini van’wani?

24 ABHIGAYILI

I ponisile vanhu vo kala nandzu

A vasati ni vanuna va nga gondza yini ka cikombiso ca Abhigayili?

25 DHAVHIDHA

I no tiya hlanha a maha zvilo zva zvinene

Loku i wa no zvi lava, Dhavhidha na a ti photele. Hikuyini a nga kala ku maha lezvo? Hi nga mu pimanyisisa kuyini?

26 NATANI

I no kawuka hosi

A cikombiso ca Natani ci hi gondzisa yini xungetano hi lezvi hi nga mu vhunisako zvona a munghana a mahileko ciwonho ca hombe?

27 MEFIBHOXETE

A nga tsikangi zvikarato zvi mu yivela litsako

Zvigondzo muni zvo chavelela hi nga zvi kumako ka Mefibhoxete?

28 ASA

I tirele Jehovha “wutomini gakwe gontlhe”

Zvigondzo muni hi zvi kumako ka Asa, a wanuna loyi a mbilu yakwe yi nga mbhelele ka Jehovha?

29 ELIJA

“A Nungungulu wa mina hi Jehovha”

Zvini zvi vhunileko Elija a ku hlula a kuchava kakwe?

30 NONI YA LE ZAREFATE

Hambu lezvi yi nga kari yi chava yi kombisile kutiya-hlanha

A matimu ya wasati loyi ma hi kucisa kuyini a ku hi tsumba Jehovha?

31 CINHANYETANA CA MUIZRAYELI

Ci no tiya hlanha ci wulawula hi Nungungulu wa cona

A cikombiso ca cinhanyetana leci ci nga ku tiyisa kasi u chumayela hambu loku u chava.

32 ELIXA

“O, Jehovha, vhulula matihlo yakwe”

A ku tiva ku a tingilozi a ti kule na hina, zvi nga hi nyikisa kuyini a kutiya-hlanha?

33 JEHOYADHA

I vhikele a hosi yi nga hlawulilwe hi Jehovha

Zvilo muni a nga maha Jehoyadha zvi nga lava ku a tiya hlanha? U nga ku pimanyisisa kuyini a kutiya-hlanha ka Jehoyadha wutomini ga wena?

34 HEZEKIYA

“I no namarela ka Jehovha”

Hezekiya i kombisile kutiya-hlanha ka hombe ni kukholwa. Hi nga mu pimanyisisa kuyini nyamutlha?

35 MANASE

I no tiya hlanha a ti sola

Hikuyini Manase a nga woniwako kota cikombiso ca cinene ca kutiya-hlanha?

36 JOSIYA

I no vhuna vanhu a ku tlhela va tirela Jehovha hi kutsumbeka

Hambu lezvi a nga kumana ni zvikarato wun’wananeni gakwe, Josiya i kombisile kutiya-hlanha ko hlamalisa kasi ku yimela wukhozeli ga lisine. Hi nga mu pimanyisisa kuyini?

37 DHANIYELI

I wa nga ta ti nyenyezisa

A vaswa va nga pimanyisa kutiya-hlanha ni kutsumbeka ka Dhaniyeli hi tindlela muni? Ahanti hina hontlheni, hi nga vhunekisa kuyini hi cikombiso cakwe?

38 VAHEBHERU VANHARU

Va no tima a ntamu wa ndzilo

A vaHebheru vanharu va no tiya hlanha hambu ni ka cikhati leci va nga lava ku dawa. A cikombiso cabye ci nga hi gondzisa yini xungetano hi kutikoramisa, kuolova ni kutsumbeka?

39 ESTERI

“Loku zvi lava ku ndzifa, a ndzife”

Esteri i wa tlharihile niku i wa ingisa. Hambu a nuna wakwe a nga kholwiko i zile a nuna wakwe a nga kholwiko a vhumela ku mu ingisela. Hi gondza yini ka cikombiso cakwe?

40 NEHEMIYA

I no vhuxisa a muro wa Jerusalema

A cikombiso ca Nehemiya ci hi gondzisa yini xungetano hi ku mu mahela zvotala Jehovha? A madhota ma nga ci pimanyisisa kuyini a cikombiso cakwe?

CIPANDZE 3

Kusukela masikwini ya Zakariya kala masikwini ya mupostoli Johani

A cipandze leci ci wulawula hi zvikombiso zva vanhu va kombisileko kukholwa ni kutiya-hlanha va masikwini ya Jesu, vo kota a nhwana wa muJudha wa ku hi Mariya niku ci gumesa hi mupostoli Johani.

Grafiko ga cikhati ga cipandze 3

I grafiko ga cikhati ca kuhanya ka vanhu va nga lomu ka Bhibhiliya va kumbukiwako ka Cipandze 3. A grafiko legi gi tlhela gi kumbuka a zvimaho zvo kari zva lisima zvi mahekileko kusukela cikhatini ca Zakariya kala masikwini yo gumesa ya mupostoli Johani.

41 ZAKARIYA NA ELIZABHETI

“Va wa lulamile mahlweni ka Nungungulu”

Hikuyini Jehovha a wonileko Zakariya na Elizabheti kota vanhu vo lulama? Hi nga ci pimanyisisa kuyini a cikombiso cabye?

42 MARIYA

I no tiya hlanha a vhumela ciavelo co bindza

Mariya i nyikilwe ciavelo co bindza ni co hlawuleka. I ku kumisile kuyini a kutiya-hlanha kasi ku tatisa a ciavelo leco?

43 JOSEFA

I nova papayi wo tiya hlanha

Josefa cikombiso cinene ka vapapayi va nga maKristu nyamutlha hi ndlela muni?

44 JOHANI MUBHABHATISI

I mu longiselele ndlela Mesiya

Johani i wa hi wanuna wo tiya hlanha a nga hanya wutomi go olova. Wona ku hi nga gondza yini kakwe.

45 PEDRO

“Ndzi muwonhi”

Loku hi tshamela ku maha zvihoxo, a cikombiso ca Pedro ci nga hi vhunisa kuyini a ku hi simama hi tirela Jehovha?

46 MARIYA MAGDHALA

“Ndzi yi wonile a Hosi!”

Mariya i tirisile a wutomi gakwe kasi ku vhuna Jesu ni valandzeli vakwe. Hi nga kombisa kuzwela wusiwana ni kutiya-hlanha hi ndlela muni a ku fana na Mariya?

47 MARIYA, A MAKABYE WA LAZARU

“I mahile lezvi a nga zvi kota”

Jesu i dzundzile Mariya, a makabye wa Lazaru, hi kota ya kukholwa kakwe ni kutiya-hlanha. I kombisile kutiya-hlanha hi tindlela muni? Hi nga mu pimanyisisa kuyini nyamutlha?

48 STEFANI

“Wanuna wo tala hi kukholwa ni moya wo basa”

A wutomi ga Stefani gi wa hi mandleni ya tribhunali. Zvini a mahileko kasi ku yimela kukholwa kakwe? A cikombiso cakwe ci nga hi vhunisa kuyini a ku simama hi tsumbekile?

49 PEDRO

I nova ribye

A cikombiso ca Pedro ci nga hi vhunisa kuyini a ku tsumba Jehovha hi hlula kuchava?

50 SAWULE WA LE TARSUSI

I no cica kupima kakwe

Zvini zvi nga maha ku a munhu loyi a nga hi muxanisi wa maKristu a cica a wutomi gakwe? Hi gondza yini ka cikombiso cakwe?

51 BHARNABHASI

“N’wana wa Kuchavelela”

Bharnabhasi i no tiya hlanha aya ka Sawule a ya mu vhuna a tlhela a mu yisa ka vapostoli. Hi nga ku pimanyisisa kuyini a kutiya-hlanha ni kutiyimisela kakwe ka ku lava ku tirela van’wani?

52 MARKU

“Wa ndzi vhuna nguvhu”

Hambu lezvi a nga kumana ni zvikarato wutomini gakwe, Marku i no tiya hlanha a simama ni ntiro wakwe a tlhela a vhunetela vamakabye vakwe. Zvigondzo muni hi nga zvi kumako kakwe?

53 PAWULE

“Ndza mu khongotela, ndziku: Tiyani hlanha”

Mupostoli Pawule i tiyisile kuyini hlanha ka ciyimo ci nga wonekisa ku khwatsi a ku na kutsumba? A kutiya-hlanha kakwe ku va vhunisile kuyini van’wani?

54 MUPOSTOLI JOHANI

I kombisile kutiya-hlanha zvikhatini zvo nonoha

Mupostoli Johani a nga tshukangi a chava kutani ku mbhelelwa hi kutsumba. Hi nga ci pimanyisisa kuyini a cikombiso cakwe, hi simama ku famba na Nungungulu hi kutiya-hlanha?

KUDAYELELA

“Tala hi kutiya-hlanha”

A Bhibhiliya gi tele hi zvikombiso zva vavanuna ni vavasati, a majaha ni vahombe, lava va nga tiya hlanha va yima tlhelweni ga Jehovha. A matimu yabye ma nga hi vhuna ku hinawu hi tiya.

Lomu cikari ka kapa