Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Timbhoni Ta Yehovha I Maprotestente?

Xana Timbhoni Ta Yehovha I Maprotestente?

Doo. Timbhoni ta Yehovha i Vakreste kambe a hi Maprotestente. Ha yini?

Maprotestente ma hlamuseriwa tanihi “vukhongeri lebyi lwisanaka ni kereke ya Rhoma Khatoliki.” Hambileswi Timbhoni ta Yehovha ti nga pfumeliki eka tidyondzo ta Kereke ya Khatoliki, a hi titeki hi ri Maprotestente hikwalaho ka swivangelo leswi landzelaka:

  1. Tidyondzo to tala ta Maprotestente ti lwisana ni leswi Bibele yi swi dyondzisaka. Hi xikombiso, Bibele yi dyondzisa leswaku “ku ni Xikwembu xin’we,” ku nga ri Vunharhu-un’we. (1 Timotiya 2:5; Yohane 14:28) Nakambe yi dyondzisa leswaku Xikwembu a xi xupuli vanhu vo homboloka hi ku va xanisa etiheleni kambe hi ku va lovisela makumu.—Pisalema 37:9; 2 Vatesalonika 1:9.

  2. A hi lwisani kumbe hi ringeta ku cinca Kereke ya Khatoliki kumbe vukhongeri byin’wana. Ematshan’weni ya sweswo, hi chumayela mahungu lamanene ya Mfumo wa Xikwembu, hi tikarhatela ku pfuna van’wana leswaku va va ni ripfumelo eka mahungu wolawo. (Matewu 24:14; 28:19, 20) A hi lavi ku cinca vukhongeri byin’wana kambe hi tsakela ku dyondzisa vanhu ntiyiso malunghana ni Xikwembu ni Rito ra xona, ku nga Bibele.—Vakolosa 1:9, 10; 2 Timotiya 2:24, 25.

DYONDZA SWO TALA

Timbhoni Ta Yehovha I Vanhu Va Njhani?

I tingani Timbhoni ta Yehovha leti u ti tivaka? I yini leswi hakunene u swi tivaka hi hina?