Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Timbhoni Ta Yehovha I Mpambukwa?

Xana Timbhoni Ta Yehovha I Mpambukwa?

Doo! Timbhoni ta Yehovha a hi mpambukwa. Kambe i Vakreste lava tikarhatelaka ku landzela xikombiso lexi vekiweke hi Yesu Kreste ti tlhela ti hanya hi tidyondzo takwe.

Mpambukwa i yini?

Rito leri nge mpambukwa, vanhu va ri hlamusela hi tindlela to hambana-hambana. Hambiswiritano, xiya swilo swimbirhi leswi tolovelekeke leswi vanhu va swi anakanyaka hi rito leri nileswaku ha yini swi nga tirhi eka Timbhoni ta Yehovha.

  • Van’wana va anakanya leswaku mpambukwa i vukhongeri lebyintshwa kumbe lebyi nga tolovelekangiki. Timbhoni ta Yehovha a ti sungulanga vukhongeri lebyintshwa. Ku ri na sweswo, ti tekelela xikombiso lexi vekiweke hi Vakreste va lembe-xidzana ro sungula lava swikombiso swa vona ni leswi va swi dyondziseke swi kumekaka eBibeleni. (2 Timotiya 3:16, 17) Ti pfumela leswaku Matsalwa yo Kwetsima hi wona ma faneleke ma ti kongomisa evugandzerini bya tona.

  • Van’wana va anakanya leswaku mpambukwa i ntlawa wa vukhongeri lowu nga ni khombo lowu rhangeriwaka hi munhu. Timbhoni ta Yehovha a ti teki munhu tanihi murhangeri wa tona. Kambe ti landzela nawu lowu Yesu a wu vekeleke valandzeri vakwe loko a ku: “Murhangeri wa n’wina i wun’we, i Kreste.”—Matewu 23:10.

Timbhoni ta Yehovha a hi mpambukwa lowu nga ni khombo kambe leswi ti swi endlaka swi vuyerisa tona ni vanhu van’wana. Hi xikombiso, ntirho wa tona wu pfune vanhu vo tala leswaku va hlula ku godzomberiwa hi swidzidzirisi ni byala. Ku engetela kwalaho, emisaveni hinkwayo ti dyondzisa vanhu va magidi ku hlaya ni ku tsala. Ta pfuneta etimhakeni to phalala. Ti endla leswi ti nga swi kotaka leswaku ti hanyisana kahle ni vanhu hilaha Yesu a leriseke valandzeri vakwe ha kona.—Matewu 5:13-16.

 

DYONDZA SWO TALA

U Nga Byi Vona Njhani Vugandzeri Bya Ntiyiso?

Xana ku ni vukhongeri byin’we ntsena bya ntiyiso? Xiya swilo swa ntlhanu leswi kombisaka kahle swikombiso swa vugandzeri bya ntiyiso.