Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

I Yini Watch Tower Bible and Tract Society?

I Yini Watch Tower Bible and Tract Society?

Watch Tower Bible and Tract Society of Pennsylvania i nhlangano lowu nga riki wa mabindzu lowu simekiweke hi 1884 ehansi ka milawu ya xifundzha xa Pennsylvania, le U.S.A. Wu tirhisiwa hi Timbhoni ta Yehovha leswaku wu seketela ntirho wa tona wa misava hinkwayo, lowu katsaka ku kandziyisa Tibibele ni minkandziyiso leyi sekeriweke eBibeleni.

Hi ku ya hi milawu ya nhlangano lowu, swikongomelo swa wona i swa “vukhongeri, swo dyondzisa ni swo phalala,” ngopfungopfu ku “chumayela ni ku dyondzisa hi Mfumo wa Xikwembu lowu nga ehansi ka Kreste Yesu.” Vanhu va joyina nhlangano lowu loko va rhambiwile ntsena, ku nga ri hileswaku munhu u nyikela mali yo tanihi kwihi. Swirho swa nhlangano lowu ni vakongomisi va pfuna Huvo leyi Fumaka ya Timbhoni ta Yehovha.

Minhlangano Ya Le Nawini Leyi Tirhisanaka

Handle ka nhlangano wa Watch Tower Bible and Tract Society of Pennsylvania, Timbhoni ta Yehovha ti tirhisa minhlangano yo tala ya le nawini ematikweni yo hambanahambana. Yin’wana ya minhlangano yoleyo yi ni swiga swo fana ni leswi nge “Watch Tower,” “Watchtower” kumbe vuhundzuluxeri bya swona eka mavito ya yona.

Minhlangano leyi yo hambanahambana ya le nawini yi endle leswaku hi fikelela swilo swo tala ku sukela loko yi simekiwile, swo tanihi leswi landzelaka:

  • Ku tsala ni ku kandziyisa. Hi kandziyise Tibibele ta kwalomu ka 220 wa timiliyoni ni minkandziyiso leyi sekeriweke eBibeleni ya kwalomu ka 40 wa tibiliyoni, hi tindzimi to tlula 700. Website ya jw.org yi pfumelela vanhu leswaku va hlaya Bibele mahala eka Internet hi tindzimi leti tlulaka 120 ni ku kuma tinhlamulo ta swivutiso swa Bibele swo tanihi lexi nge, “I Yini Mfumo Wa Xikwembu?

  • Dyondzo. Hi fambisa swikolo swo tala leswi dyondzisaka Bibele. Hi xikombiso, ku sukela hi 1943, Timbhoni ta Yehovha leti tlulaka 8 000 ti pfuneke ngopfu eka ndzetelo lowu dzikeke lowu nyikeriwaka hi Xikolo xa Bibele xa Giliyadi xa Watchtower, lowu endleke leswaku ti va varhumiwa kumbe ku yisa emahlweni ntirho wa hina wa misava hinkwayo. Kasi vhiki ni vhiki, vanhu va timiliyoni, ku katsa ni lava nga riki Timbhoni, va vuyeriwa eminhlanganweni leyi khomiwaka emavandlheni ya hina. Hi tlhela hi fambisa titlilasi to dyondzisa ku hlaya ni ku tsala naswona hi kandziyise buku leyi dyondzisaka vanhu ku hlaya ni ku tsala hi tindzimi ta 110.

  • Ku phalala. Hi phalale vanhu lava hlaseriweke hi timhangu leti vangiwaka hi vanhu, to tanihi ku dlayeteriwa ka Matutsi hi 1994 eRwanda kumbe timhangu ta ntumbuluko to tanihi ku tsekatseka ka misava hi 2010 eHaiti.

Hambileswi hi koteke ku endla swo tala hi ku tirhisa minhlangano ya le nawini leyi hi yi tirhisaka, kambe ntirho wa hina a wu titshegi hi yona. Mukreste un’wana ni un’wana u ni vutihlamuleri byo yingisa xileriso xa Xikwembu xo chumayela ni ku dyondzisa mahungu lamanene. (Matewu 24:14; 28:19, 20) Hi tshemba leswaku Xikwembu xi na hina eka ntirho lowu naswona xi ta ya emahlweni ‘xi wu kurisa.’—1 Vakorinto 3:6, 7.

DYONDZA SWO TALA

Ndlela Leyi Minkandziyiso Ya Hina Yi Tsariwaka Yi Tlhela Yi Hundzuluxeriwa Ha Yona?

Hi kandziyisa minkandziyiso hi tindzimi to tlula 700. Ha yini hi endla matshalatshala lawa hinkwawo?

Loko Ku Ri Ni Mhangu, Rirhandzu Ri Hi Susumetela Ku Teka Goza

Ematikweni yo tala swinene, Timbhoni ta Yehovha ta phalala loko ku ri ni xilaveko.