Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Ma Ti Yirisa Tifilimi, Tibuku Kumbe Tinsimu To Karhi?

Xana Ma Ti Yirisa Tifilimi, Tibuku Kumbe Tinsimu To Karhi?

Doo! Nhlengeletano ya hina a yi veki nawu emhakeni ya tifilimi, tibuku kumbe tinsimu to karhi leti swirho swa hina swi faneleke ku swi papalata. Ha yini?

● Bibele yi khutaza un’wana ni un’wana ku letela ‘matimba yakwe ya ku twisisa’ leswaku a kota ku hambanisa leswinene ni leswo biha.—Vaheveru 5:14.

● Matsalwa ma ni milawu ya xisekelo leyi Mukreste a nga yi tirhisaka loko a hlawula vuhungasi. * Pakani ya hina etimhakeni hinkwato ta vutomi, i ku ‘hambeta hi tiyiseka hi leswi amukelekaka eHosini.’—Vaefesa 5:10.

● Bibele yi dyondzisa leswaku tinhloko ta mindyangu ti ni vutihlamuleri lebyikulu, xisweswo ti nga ha hlawula leswaku swirho swa ndyangu swi nga hlanganyeli eka vuhungasi byo karhi. (1 Vakorinto 11:3; Vaefesa 6:1-4) Hambiswiritano, munhu la nga riki xirho xa ndyangu a nga fanelanga a yirisa tifilimi, vuyimbeleri kumbe swiyimbeleri swo karhi, tanihi swilo leswi nga fanelangiki eka swirho swa vandlha.Vagalatiya 6:5.

^ ndzim. 4 Hi xikombiso, Bibele yi sola xin’wana ni xin’wana lexi hlohlotelaka vungoma, ku tikhoma loko biha hi tlhelo ra rimbewu kumbe madzolonga.Deteronoma 18:10-13; Vaefesa 5:3; Vakolosa 3:8.

 

DYONDZA SWO TALA

Ndzi Nga Byi Kuma Kwihi Vuhungasi Lebyinene?

Hi swihi swilo leswi swi faneleke swi kambisisiwa loko ku nga si hlawuriwa vuyimbeleri, tifilimi ni tibuku?